FIFA World Cup 2022: கடைசி நேரத்தில் 2 கோல்கள் அடித்து வேல்ஸ் அணியை வீழ்த்தி ஈரான் அபார வெற்றி
By karthikeyan V | First Published Nov 25, 2022, 6:46 PM ISTஃபிஃபா கால்பந்து உலக கோப்பையில் வேல்ஸ் அணிக்கு எதிரான போட்டியில் கடைசி நேரத்தில் 2 கோல்கள் அடித்து ஈரான் அணி 2-0 என்ற கோல் கணக்கில் வெற்றி பெற்றது.
22வது ஃபிஃபா கால்பந்து உலக கோப்பை தொடர் விறுவிறுப்பாக நடந்துவருகிறது. இன்று 4 போட்டிகள் நடக்கின்றன. இன்று நடந்த முதல் போட்டியில் செர்பியாவை வீழ்த்தி 2-0 என்ற கோல் கணக்கில் பிரேசில் அணி அபார வெற்றி பெற்றது.
அதன்பின்னர் நடந்த 2வது போட்டியில் க்ரூப் பி-யில் இடம்பெற்றுள்ள வேல்ஸ் மற்றும் ஈரான் அணிகள் மோதின. தொடக்கம் முதலே இரு அணிகளும் கோல் அடிக்க தீவிரமாக முயன்றன. ஆனால் முதல் பாதி முழுக்க இரு அணிகளுக்கும் கோல் கிடைக்கவில்லை.
Latest Videos
undefined
2ம் பாதியிலும் இரு அணிகளும் முயற்சி மட்டுமே செய்தன. ஆனால் கோல் அடிக்கும் முயற்சிகள் தோல்வியில் முடிந்தன. 90 நிமிடங்களும் இரு அணிகளுமே கோல் அடிக்கவில்லை. கூடுதலாக 9 நிமிடங்கள் வழங்கப்பட்டன. வேல்ஸ் கோல்கீப்பர் வைன் ஹென்னிசேவிற்கு ரெட் கார்டு கொடுக்கப்பட்டது. அதனால் கோல்கீப்பர் மாற்றப்பட்டார்.
கடைசியாக வழங்கப்பட்ட 9 நிமிடத்தில் ஈரான் அணி அபாரமாக ஆடி 2 கோல்கள் அடுத்தடுத்து அடித்தன. ரூஸ்பே செஷ்மி முதல் கோலை அடிக்க,ராமின் ரெஸைன் 2வது கோலை அடிக்க, 2-0 என ஈரான் த்ரில் வெற்றி பெற்றது.
சேனலை கிளிக் செய்து பின்தொடரவும்