வாவ்..விக்ரமுக்கு பிறகு தளபதியுடனா!!..விஜய் மாஸ்டர் கம்போ ரிட்டனா?
சுருக்கம்
விக்ரம் படத்தை தொடர்ந்து இயக்குனர் லோகேஷ் கனகராஜ் மீண்டும் தளபதி விஜயை இயக்கவுள்ளதாக தகவல் பரவி வருகிறது...
மாஸ்டர் படத்தின் வெற்றியை தொடர்ந்த நெல்சன் இயக்கத்தில் தற்போது பீஸ்ட் (Beast) படத்தில் விஜய் நடித்துள்ளார்.. விஜய்க்கு ஜோடியாக பூஜா ஹெக்டேவும், வில்லனாக செல்வராகவனும் நடிக்கிறார். அதோடு சன் பிக்சர்ஸ் நிறுவனம் பிரம்மாண்டமாக தயாரிக்கும் இப்படத்திற்கு அனிரூத் இசையமைக்கிறார். இப்படத்தின் படப்பிடிப்பு இறுதிக்கட்டத்தை எட்டி உள்ளது. இதற்கிடையே பீஸ்ட் முதல் சிங்கிள் வெளியாகி மாஸ் வெற்றி பெற்று வருகிறது..
இதற்கிடையே கடந்த சில மாதங்களுக்கு முன் விஜய் கமிட் ஆகியுள்ள நெக்ஸ்ட் குறித்த தகவல் வெளியானது.. அதன்படி விஜய்யின் 66-வது படத்தை பிரபல தெலுங்கு இயக்குனர் வம்சி பைடிபல்லி இயக்க உள்ளார். வம்சி ஏற்கனவே தமிழில் கார்த்தி நடிப்பில் வெளியான தோழா படத்தை இயக்கி வெற்றி கண்டவர் என்பது குறிப்பிடத்தக்கது. இப்படத்தை டோலிவுட்டை சேர்ந்த பிரபல தயாரிப்பாளர் தில் ராஜு தயாரிக்க உள்ளார்.
இந்நிலையில் விக்ரம் படத்தை தொடர்ந்து இயக்குனர் லோகேஷ் கனகராஜ் மீண்டும் தளபதி விஜயை இயக்கவுள்ளதாக தகவல் பரவி வருகிறது. மாநகரம், கைதி, மாஸ்டர் என ஹாட்ரிக் ஹிட் படங்களை கொடுத்த லோகேஷ் கனகராஜ், அடுத்ததாக கமல்ஹாசனுடன் இணைந்து 'விக்ரம்' படத்தை இயக்கியுள்ளார். படப்பிடிப்பு முடிந்து இறுதி வேலைகள் விறுவிறுப்பாக நடைபெற்று வருகிறது... விக்ரம் படத்தின் ஷூட்டிங் முடிந்து தற்போது பின்னணி பணிகள் விறுவிறுப்பாக நடைபெற்று வருகிறது. இதன் வியாபாரமும் தற்போதே சூடுபிடிக்க தொடங்கி உள்ளதாம். சமீபத்திய தகவல்படி, விக்ரம் படத்தின் ஓடிடி மற்றும் சாட்டிலைட் உரிமையை ஸ்டார் நெட்வொர்க் நிறுவனம் கைப்பற்றி உள்ளதாக தகவல் வெளியாகி உள்ளது.
இதையடுத்து விக்ரம் படம் ரிலீசுக்கு முன்பே கல்லாகட்டி உள்ளதால் கமல்ஹாசன் ஹாப்பியாக உள்ளாராம். இப்படம் வருகிற ஏப்ரல் மாதம் திரைக்கு வர உள்ளது. இதை தொடர்ந்து மாஸ்டர் காம்போவில் லோகேஷ் கனகராஜ் விஜயை வைத்து இயக்கவுள்ளதாக கூறப்படுகிறது...
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.