Radhe Shyam movie : செட் அமைக்க மட்டும் ரூ.100 கோடி செலவு.... பிரபாஸ் படத்திற்காக காசை வாரி இறைத்த படக்குழு

1970-களில் நடப்பது போன்று திரைக்கதை உள்ளதால் ஏராளமான காட்சிகள் செட் போட்டு எடுக்கப்பட்டதாம். அதானால் தான் செட் அமைப்பதற்கு மட்டும் ரூ. 100 கோடிக்கு மேல் செலவானதாக கூறப்படுகிறது.

ராஜமவுலி இயக்கிய பாகுபலி படத்தில் ஹீரோவாக நடித்ததன் மூலம் பான் இந்தியா ஸ்டாராக உயர்ந்தார் பிரபாஸ் (prabhas). இதையடுத்து இவர் நடிக்கும் படங்கள் அனைத்தும் பிரம்மாண்ட பொருட்செலவில் தயாரிக்கப்பட்டு வருகின்றன. இவர் கைவசம் ஆதிபுருஷ், ராதே ஷ்யாம், ஸ்பிரிட், சலார் போன்ற படங்கள் உள்ளன.

இதில் ராதே ஷ்யாம் படம் படப்பிடிப்பு முடிந்து ரிலீசுக்கு தயாராக உள்ளது. இப்படத்தை ராதா கிருஷ்ண குமார் இயக்கி உள்ளார். இப்படத்தில் பிரபாஸுக்கு ஜோடியாக பூஜா ஹெக்டே (Pooja hegde) நடித்துள்ளார். ஜஸ்டின் பிரபாகர் இப்படத்திற்கு இசையமைத்துள்ளார். இப்படம் வருகிற மார்ச் 11-ந் தேதி திரையரங்குகளில் ரிலீசாக உள்ளது.

இது முழுக்க முழுக்க ரொமாண்டிக் படமாக உருவாகி உள்ளது. இப்படம் தமிழ், தெலுங்கு, இந்தி, கன்னடம், மலையாளம் ஆகிய 5 மொழிகளில் ராதே வெளியிடப்பட உள்ளது. இப்படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவீஸ் நிறுவனம் கைப்பற்றி உள்ளது.

இந்நிலையில், இந்த படத்திற்காக போடப்பட்ட செட்களின் மதிப்பு ரூ.100 கோடி இருக்கும் என கூறப்படுகிறது. 1970-களில் நடப்பது போன்று திரைக்கதை உள்ளதால் ஏராளமான காட்சிகள் செட் போட்டு எடுக்கப்பட்டதாம். அதானால் தான் செட் அமைப்பதற்கு மட்டும் ரூ. 100 கோடிக்கு மேல் செலவானதாக கூறப்படுகிறது.

ராதே ஷ்யாம் படத்தின் மொத்த பட்ஜெட் ரூ.350 கோடியாம். குறிப்பாக இப்படத்திற்காக போடப்பட்ட மருத்துவமனை செட் ஒன்றை கடந்தாண்டு கொரோனா பரவல் உச்சத்தில் இருந்த சமயத்தில் தற்காலிக மருத்துவமனையாக பயன்படுத்திக் கொள்ள படக்குழு அனுமதி அளித்திருந்தது குறிப்பிடத்தக்கது.