Kadaisi Vivasayi Deleted Scene : வட்டப்பாறையில் பாவாடை துவைக்கும் விஜய் சேதுபதி..கடைசி விவசாயி டெலிடேட் சீன்ஸ்

Kadaisi Vivasayi Deleted Scene : கடைசி விவசாயி படத்திலிருந்து நீக்கப்பட்ட காட்சிகளை படக்குழு தற்போது வெளியிட்டுள்ளது..

காக்கமுட்டை திரைப்படம் மூலமாக இயக்குநராக அறிமுகமாகி திரையுலகினரின் கவனம் ஈர்த்தவர் மணிகண்டன் (Manikandan). இந்த திரைப்படம் வசூல் மற்றும் விமர்சன ரீதியாக நல்ல வரவேற்பை பெற்றதோடு தேசிய விருதையும் வென்று அசத்தியது. அதன் பின்னர் குற்றமே தண்டனை மற்றும் ஆண்டவன் கட்டளை போன்ற படங்களை இயக்கினார் மணிகண்டன். இந்த இரு படங்களும் கலவையான விமர்சனங்களை பெற்றன. 

இதையடுத்து இயக்குனர் மணிகண்டன், இயக்கத்தில் உருவாகி உள்ள புதிய திரைப்படம் கடைசி விவசாயி (Kadaisi vivasayi). இப்படத்தில் நாயகனாக நல்லாண்டி என்ற முதியவர் நடித்துள்ளார். அவருடன் விஜய் சேதுபதி (Vijay sethupathi), யோகி பாபு உள்ளிட்ட பலர் நடித்துள்ளனர். இப்படத்துக்கு முதலில் இளையராஜா இசையமைத்து வந்தார் பின்னர் சில காரணங்களால் அவருக்கு பதிலாக சந்தோஷ் நாராயணன் இசையமைப்பாளராகப் பணிபுரிந்துள்ளார். இதனை இயக்குனர் மணிகண்டனே தயாரித்துள்ளார்.

நீண்ட நாட்களாக முடங்கிக் கிடந்த இப்படம் பிப்ரவரி 11-ம் தேதி  திரையரங்குகளில் வெளியானது. வெளியானது முதல் இப்படத்துக்கு அமோக வரவேற்பு கிடைத்து வருகிறது. பிரபலங்கள் பலரும் இப்படத்தை பார்த்து பாராட்டி வருகின்றனர். அந்த வகையில் பிரபல இயக்குனர் மிஷ்கின் (Mysskin) கடைசி விவசாயி படத்தை பார்த்து வியந்துபோயுள்ளார். இப்படத்தை பற்றி பாராட்டி பேசி அவர் வீடியோ ஒன்றையும் வெளியிட்டுள்ளார்.

இந்நிலையில் கடைசி விவசாயி படத்திலிருந்து நீக்கப்பட்ட காட்சிகளை படக்குழு தற்போது வெளியிட்டுள்ளது..அந்த வீடியோவையில் விஜய் சேதுபதி மொட்டை காட்டில் அமர்ந்து பாவாடை துவைப்பது போன்ற காட்சிகளும், யோகி பாபு யானை மீது அமர்ந்து குளிப்பாட்டும் காட்சிகளும் இடம் பெற்றுள்ளது..