போடுறா வெடிய... ஜெயிலர் 2-வில் பாலிவுட் பாட்ஷா நடிப்பது உறுதி - அடிதூள் அப்டேட் சொன்ன பிரபலம்

நெல்சன் திலீப்குமார் இயக்கத்தில் ரஜினிகாந்த் நடித்து வரும் ஜெயிலர் 2 திரைப்படத்தில் முன்னணி பாலிவுட் நடிகர் நடிப்பது உறுதியாகி உள்ளது. அது யார் என்பதை இந்த தொகுப்பில் பார்க்கலாம்.

Jailer 2 Shah Rukh Khan cameo : சூப்பர் ஸ்டார் ரஜினிகாந்த் நடிப்பில் பிரம்மாண்டமாக உருவாகி வரும் திரைப்படம் ஜெயிலர் 2. இப்படம் குறித்த புதிய அப்டேட் ஒன்று வெளியாகியுள்ளது. இப்படத்தில் பாலிவுட் நட்சத்திரம் ஒருவர் இணைந்துள்ளதாக கூறப்படுகிறது. இந்த செய்தியைக் கேட்டு ரசிகர்கள் மிகுந்த மகிழ்ச்சியில் உள்ளனர். இயக்குனர் நெல்சன் திலீப்குமாரின் பெரிதும் எதிர்பார்க்கப்படும் 'ஜெயிலர் 2' படத்தில் ஷாருக்கான் இணைந்துள்ளதாக செய்தி வெளியாகியுள்ளது. இப்படத்தில் நடிக்கும் மிதுன் சக்ரவர்த்தி, ஷாருக்கானின் வருகையை உறுதி செய்துள்ளார்.

ரஜினிகாந்த் படத்தில் ஷாருக்கான் நடிப்பது ஒரு பெரிய சர்ப்ரைஸ் ஆகும், இது பான்-இந்தியா சினிமாவுக்கு ஒரு புதிய திசையை கொடுக்கும். இப்படத்தில் வில்லனாக நடிக்கும் மிதுன், சமீபத்தில் அளித்த பேட்டியில், ஷாருக்கான் இப்படத்தின் ஒரு பகுதியாக இருப்பதாகவும், இது நெல்சனின் சிறந்த காஸ்டிங் என்றும் கூறியுள்ளார். இப்படத்தில் ரஜினிகாந்த் முக்கிய கதாபாத்திரத்தில் நடிக்கிறார், ஆனால் ஷாருக்கானின் கதாபாத்திரம் எப்படி இருக்கும் என்பது தற்போதைக்கு சஸ்பென்ஸாக உள்ளது.

ஜெயிலர் 2-வில் ஷாருக்கான்

தகவல்களின்படி, இது ஒரு சிறப்பு தோற்றமாக இருந்தாலும், நெல்சனின் பாணியைப் பார்த்தால் இது மிகவும் ஸ்பெஷலானதாக இருக்கலாம். இப்படத்தில் மோகன்லால், சிவராஜ்குமார், சந்தானம், எஸ்.ஜே. சூர்யா, விஜய் சேதுபதி, சூரஜ் வெஞ்சரமூடு, மிதுன் சக்ரவர்த்தி மற்றும் வித்யா பாலன் என மிகப்பெரிய நட்சத்திர பட்டாளமே நடித்து வருகின்றனர். இதன் படப்பிடிப்பு தற்போது இறுதிக்கட்டத்தை எட்டி உள்ளது. இப்படம் 2026ம் ஆண்டு ஜூன் 12ந் தேதியன்று திரையரங்குகளில் வெளியிடப்படும் என தகவல்கள் தெரிவிக்கின்றன.

ரஜினிகாந்தின் 'ஜெயிலர்' படம் 2023-ல் வெளியானது. இந்த ஆக்ஷன் த்ரில்லர் படம் வெளியான உடனேயே பாக்ஸ் ஆபிஸில் பட்டையைக் கிளப்பியது. இதை நெல்சன் எழுதி இயக்கியிருந்தார். சன் பிக்சர்ஸ் பேனரின் கீழ் கலாநிதி மாறன் தயாரித்த இந்தப் படத்தில், ரஜினிகாந்த், தனது குடும்பத்தை அச்சுறுத்தும் சிலை கடத்தல் கும்பலைப் பிடிக்கப் புறப்படும் ஓய்வுபெற்ற ஜெயிலராக நடித்திருந்தார். இப்படத்தில் ரம்யா கிருஷ்ணன், விநாயகம், தமன்னா பாட்டியா, சுனில், வசந்த் ரவி, யோகி பாபு ஆகியோர் முக்கிய வேடங்களில் நடித்திருந்தனர். மோகன்லால், சிவராஜ்குமார் மற்றும் ஜாக்கி ஷெராஃப் ஆகியோர் இப்படத்தில் சிறப்பு தோற்றத்தில் தோன்றினர். 220 கோடி பட்ஜெட்டில் உருவான இப்படம் 650 கோடி வசூல் செய்தது.