சாட்டை பட ஹீரோ அஜ்மல் கானுக்கு டும் டும் டும் - நேரில் வந்து வாழ்த்திய அரசியல் மற்றும் திரைப்பிரபலன்கள்!

Actor Yuvan Marriage : இயக்குனர் அன்பழகன் இயக்கத்தில், பிரபல நடிகர் சமுத்திரகனி நடிப்பில், உருவான "சாட்டை" திரைப்படத்தின் மூலம் புகழ்பெற்ற நடிகர் தான் யுவன் என்கின்ற அஜ்மல் கான். இப்போது இவருக்கு திருமணம் நடந்து முடிந்துள்ளது.

தமிழில் "பாசக்கார நண்பர்கள்" என்ற திரைப்படத்தின் மூலம் அறிமுகமான நடிகர் யுவன், தொடர்ச்சியாக பல தமிழ் திரைப்படங்களில் நடித்து வந்தார். இவர் இயக்குனர் பெரோஸ் கான் அவர்களுடைய மகன் என்பதும் குறிப்பிடத்தக்கது. "சாட்டை" படத்தை தொடர்ந்து தமிழில் "காதலைத் தவிர வேறு ஒன்றும் இல்லை", "இளமி" மற்றும் அய்யனார் வீதி உள்ளிட்ட திரைப்படங்களில் யுவன் நடித்துள்ளார். 

நடிகர் யுவன் இறுதியாக கடந்த 2019 ஆம் ஆண்டு வெளியான அன்பழகன் அவர்களின் "அடுத்த சாட்டை" திரைப்படத்தில் நடித்ததோடு தனது திரையுலக பயணத்திற்கு ஓய்வு கொடுத்து விட்டு தற்பொழுது தனியே உணவகம் ஒன்றை நடத்தி வருகிறார். இந்நிலையில் நடிகர் யுவன் அவர்களுக்கும் கும்பகோணம் தங்கவிலாஸ் நிறுவனத்தின் தலைவரான சித்திக் அலி அவர்களுடைய மகள் ரமீஸா கஹானி அவர்களுக்கும் திருமணம் நடந்துள்ளது. 

இந்த திருமண விழாவில் பிரபல அரசியல் தலைவர் ஜி.கே வாசன், நடிகரும் அரசியல் தலைவருமான சீமான் உள்ளிட்ட பலரும் கலந்து கொண்டனர். அதேபோல நடிகர்கள் மன்சூர் அலிகான், ரியாஸ் கான், உமா ரியாஸ் மற்றும் இசையமைப்பாளர் ஸ்ரீகாந்த் தேவா உள்ளிட்டோர் கலந்து கொண்டு மனமக்களை வாழ்த்தி மகிழ்ந்தனர். 

திரைப்படங்களில் நடிப்பதை நிறுத்திய கையேடு தனக்கென்று தனியே ஒரு உணவகத்தை துவங்கி நடத்தி வருகின்றார் அஜ்மல் கான். இவருடைய தந்தை இப்பொது மிக பெரிய தொழில் அதிபராக திகழ்ந்து வருவதும் குறிப்பிடத்தக்கது.