ஓடிடிக்கு வந்த பிரபு தேவாவின் படம்..! வெளியான அதிகாரபூர்வ தகவல்..!
சுருக்கம்
பிரபு தேவாவின் 'பொன் மாணிக்கவேல்' திரைப்படம் ஓடிடி தளத்தில் ரிலீஸ் ஆவது குறித்து அதிகார பூர்வ தகவல் வெளியாகியுள்ளது.
கடந்த ஆண்டு பொங்கல் திருவிழாவின் போது, சூப்பர் ஸ்டார் ரஜினிகாந்த் நடித்திருந்த 'தர்பார்' படத்துக்கு டஃப் கொடுக்கும் விதமாக வெளியாகும் என எதிர்பார்க்கப்பட்ட பிரபு தேவாவின் 'பொன் மாணிக்கவேல்' திரைப்படம் ஓடிடி தளத்தில் ரிலீஸ் ஆவது குறித்து அதிகார பூர்வ தகவல் வெளியாகியுள்ளது.
நடிகர் பிரபுதேவா போலீஸ் அதிகாரியாக நடித்து மிரட்டியுள்ள இந்த திரைப்படம், முழுக்க முழுக்க, ஆக்ஷன் - திரில்லர் கலந்த படமாக உருவாகியுள்ளது. 'பொன் மாணிக்கவேல்' என்கிற பெயருக்கு ஏற்றது போல், இந்த படத்தின் டீசரிலும் கம்பீரமாக தோன்றி அதிரடி காட்டி அசத்தியிருந்தார் பிரபு தேவா. போலீஸ் கெட்அப்பில் கெத்து காட்டியிருந்தார். இந்நிலையில் இந்த படம் எடுத்து முடிக்கப்பட்டு ஒரு வருடத்திற்கு மேலாகியும் இதுவரை ரிலீஸ் செய்யப்படாமல் இருந்த நிலையில், தற்போது ஓடிடியில் வெளியாக உள்ளதாக அறிவிக்கப்பட்டுள்ளது.
இந்த படத்தை, 'கண்டேன்' படத்தை இயக்கிய இயக்குனர் முகில் செல்லப்பன் இயக்கியுள்ளார். நடிகை நிவேதா பெத்துராஜ், கதாநாயகியாக நடித்துள்ளார். டி.இமான் இந்த படத்திற்கு இசையமைத்துள்ளார். நிபிச்சன்ட் சபாக், என்பவர் சபாக் நிறுவனம் சார்பில் இந்த படத்தை தயாரித்துள்ளார். இதுவரை ரிலீஸ் தேதி வெளியிடப்படாத நிலையில் விரைவில் ரிலீஸ் தேதி குறித்த தகவலை படக்குழு வெளியிடும் என எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.