தப்பு பண்ணிட்டேன்... அந்த படத்துல நடிச்சிருக்கவே கூடாது - நயன்தாராவுக்கு கசப்பான அனுபவத்தை கொடுத்த கஜினி

கஜினி படத்தில் நடித்தது என் வாழ்க்கையில் நான் எடுத்த மோசமான முடிவு என நடிகை நயன்தாரா பேட்டி ஒன்றில் கூறி இருப்பது பரபரப்பை ஏற்படுத்தி உள்ளது.

கேரளாவைச் சேர்ந்த நயன்தாரா, ஹரி இயக்கிய ஐயா படம் மூலம் தமிழ் திரையுலகில் ஹீரோயினாக காலடி எடுத்து வைத்தார். அவருக்கு முதல் படமே மிகப்பெரிய பெயரையும் புகழையும் கொடுத்த நிலையில்,  அடுத்தடுத்து ரஜினியுடன் சந்திரமுகி, விஜய்யுடன் சிவகாசி, சிம்புவுடன் வல்லவன் என ஹிட் பட வாய்ப்புகள் தேடி வந்தன. இதனால் குறுகிய காலத்திலேயே முன்னணி நடிகையாக உயர்ந்தார் நயன்தாரா. தமிழ் மட்டுமின்றி தெலுங்கு, மலையாளம், கன்னடம், இந்தி என பான் இந்தியா அளவில் கலக்கி வருகிறார் நயன்.

தற்போது நடிகை நயன்தாராவுக்கு வயது 40ஐ நெருங்கினாலும் இன்றளவும் கோலிவுட்டில் டாப் ஹீரோயினாக வலம் வருகிறார். 20 ஆண்டுகளாக முன்னணி நடிகையாக வலம் வந்துகொண்டிருக்கும் நயன்தாரா, கடந்த 2005-ம் ஆண்டு ஏ.ஆர்.முருகதாஸ் இயக்கத்தில் வெளிவந்த கஜினி படத்தில் நடித்தது, தன் வாழ்க்கையில் தான் எடுத்த மோசமான முடிவு என்று பழைய பேட்டி ஒன்றில் ஓப்பனாக கூறி இருக்கிறார். அது தற்போது மீண்டும் வைரலாகி வருகிறது.

இதையும் படியுங்கள்... Deepika Padukone: கர்ப்பமாக இருக்கும் வயிற்றுடன் 'கல்கி 2898 AD' பட விழாவில் கலந்து கொண்ட தீபிகா படுகோன்!

வானொலி ஒன்றிற்கு அளித்த அந்த பேட்டியில் நயன்தாரா கூறியதாவது : “கஜினி படத்தில் சித்ரா கதாபாத்திரத்தில் நடித்தது நான் எடுத்த மோசமான முடிவு. இயக்குனர் அந்த கதாபாத்திரத்தை என்னிடம் சொன்னபோது அது ஹீரோயினுக்கு நிகரானதாக இருந்தது. ஆனால் படத்தில் எனக்கு சொல்லப்பட்ட விதத்தில் அந்த கதாபாத்திரம் வரவில்லை. மோசமாக காட்டி இருந்தார்கள். இதை நான் புகாராக சொல்லவில்லை. அதுவும் என் வாழ்வில் ஒரு அனுபவமாக கருதுகிறேன்” என நயன் கூறி இருக்கிறார்.

கஜினி திரைப்படத்தை ஏ.ஆர்.முருகதாஸ் இயக்க, அதில் ஹீரோவாக சூர்யாவும், ஹீரோயினாக அசினும் நடித்திருந்தனர். அப்படம் பிளாக்பஸ்டர் ஹிட்டானதோடு, தமிழ் சினிமாவின் மாஸ்டர் பீஸ் படங்களாக திகழ்ந்து வருகிறது. மேலும் அப்படம் இந்தியிலும் ஆமீர்கான் நடிப்பில் ரீமேக் ஆகி அங்கும் சக்கைப்போடு போட்டது. இப்படி ஒரு தரமான படத்தில் நடித்தது மோசமான அனுபவம் என நடிகை நயன்தாரா கூறி இருப்பது தற்போது இணையத்தில் மீண்டும் பேசுபொருள் ஆகி உள்ளது.

இதையும் படியுங்கள்... இயக்குனர் வெற்றிமாறனுக்கு இந்த கெட்ட பழக்கங்கள் எல்லாம் இருந்துச்சா.. அவரே சொன்ன பதில்!