நடிகை மனிஷா கொய்ரலாவிற்கு கிடைத்த புதிய பதவி!

நடிகை மனிஷா கொய்ரலா நேபாள நாட்டின் நல்லெண்ண தூதுவராக நியமிக்கப்பட்டுள்ளார். இதனால் பல ரசிகர்கள் மற்றும் பிரபலங்கள் இவருக்கு தொடர்ந்து தங்களுடைய வாழ்த்துக்களை கூறி வருகின்றனர்.

நேபாள நாட்டின் அரசியல் குடும்பத்தை சேர்ந்தவர் நடிகை மனிஷா கொய்ரலா. நடிப்பின் மீது கொண்ட ஆர்வம் காரணமாக திரைப்படங்களில் நடிக்க முடிவு செய்தார்.  

நேபாள மொழி படத்தில் அறிமுகமாகியிருந்தாலும்,  இவரை பிரபலமாக்கியது ஹிந்தியில் வெளியாகி மிகப்பெரிய வெற்றி பெற்ற '1942 ஏ லவ் ஸ்டோரி' திரைப்படம் தான்.  இந்த படத்தை தொடர்ந்து, பல பாலிவுட் படங்களில் நடித்தார்.

மேலும் தமிழிலும், பம்பாய், இந்தியன், முதல்வன், உயிரே, பாபா என பல வெற்றி படங்களில் நடித்து பிரபல நடிகையாக இருந்தார். 

2010 ஆம் ஆண்டு பிரபல தொழிலதிபர் சாம்ராட் என்பவரை திருமணம் செய்து கொண்ட , இவர் கருத்து வேறுபாடு காரணமாக இரண்டு வருடத்தில், விவாகரத்து பெற்று பிரிந்தார்.  

பின் புற்றுநோயால் பாதிக்கப்பட்டு அதற்காக வெளிநாட்டில் சிகிச்சை பெற்று திரும்பினார். தற்போது புற்றுநோய் விழிப்புணர்வு சம்பந்தமாக பல நிகழ்ச்சிகளில் கலந்துகொண்டு புற்று நோயால் பாதிக்கப்பட்டவர்களுக்கு தன்னம்பிக்கை கொடுத்து வருகிறார்.

இந்நிலையில் இவரை புற்றுநோய் விழிப்புணர்வு மற்றும் ஐக்கிய நாடுகள் மக்கள் தொகை நிதி அமைப்பின் சார்பில்,  நேபாள நாட்டின் நல்லெண்ண தூதுவராக நியமிக்கப்பட்டுள்ளார் இவருக்கு கிடைத்த இந்த புதிய பதவி பதவியை பதவியால் ரசிகர்கள் மற்றும் பிரபலங்கள் இவருக்கு தொடர்ந்து தங்களுடைய வாழ்த்துக்கள் தெரிவித்து வருகின்றனர்