லியோ படக்குழுவினர் காஷ்மீரில் கேம்ப் பயர்... வெளியான தளப(தீ) புகைப்படம்!!

லியோ படப்பிடிப்பு காஷ்மீரில் நடைபெற்று வரும் நிலையில் இயக்குநர் லோகேஷ் கனகராஜ் பகிர்ந்துள்ள புகைப்படம் இணையத்தில் வைரலாகி வருகிறது. நடிகர் விஜய்யின் 67 ஆவது படம் லியோ. செவன் ஸ்கிரீன் ஸ்டுடியோ சார்பில் SS.லலித்குமார் மற்றும் ஜெகதீஷ் பழனிசாமி இணைந்து தயாரிக்கும் இப்படத்தை இயக்குனர் லோகேஷ் கனகராஜ் இயக்குகிறார். இந்த திரைப்படத்தில் திரிஷா கதாநாயகியாக நடிக்கிறார். மேலும் இதில் அர்ஜுன், பாலிவுட் நடிகர் சஞ்சய் தத், பிரியா ஆனந்த், மன்சூர் அலிகான், சாண்டி மாஸ்டர், மலையாள நடிகர் மேத்தீவ் தாமஸ், மிஷ்கின், கௌதம் வாசுதேவ் மேனன் ஆகியோர் முக்கிய வேடங்களில் நடிக்கின்றனர். 

இதையும் படிங்க: மூளை மாற்று அறுவை சிகிச்சையா? பிச்சைக்காரன் 2 ஸ்னீக் பீக் வெளியீடு!

லியோ திரைப்படம் அக்.19 ஆம் தேதி ஆயுத பூஜை வெளியீடாக வெளியாகும் என்று எதிர்பார்க்கப்படுகிறது. லியோ படத்தின் படப்பிடிப்பு சென்னை மற்றும் கொடைக்கானலில் நடைபெற்ற நிலையில் தற்போது அடுத்த கட்ட படப்பிடிப்பு காஷ்மீரில் நடைபெற்று வருகிறது. இதனால் தனி விமானத்தில் காஷ்மீர் சென்ற படக்குழுவினர் அங்கு படப்பிடிப்பை நடத்தி வருகின்றனர்.

இதையும் படிங்க: ஜெய்பீம் செங்கேணியா இது..! லிஜிமோல் ஜோஸ் கணவரை பார்த்து இருக்கீங்களா.? வைரல் போட்டோஸ்

இந்த நிலையில் காஷ்மீர் படப்பிடிப்பு தளத்தில் எடுக்கப்பட்ட புகைப்படத்தை இயக்குனர் லோகேஷ் கனகராஜ் பகிர்ந்துள்ளார். அதில், விஜய், லோகேஷ் கனகராஜ், இயக்குனரும் நடிகருமான கெளதம் மேனன், மேத்திவ் தாமஸ், சண்டை பயிற்சியாளர் அன்பரசு மற்றும் பட தயாரிப்பாளர் லலித் குமார், ஒளிப்பதிவாளர் மனோஜ் பரமஹம்சா ஆகியோர் கேம்ப் பயர் முன்பு நின்று கொண்டிருக்கின்றனர். இந்த புகைப்படம் தற்போது இணையத்தில் வைரலாகி வருகிறது.