Kuberaa Censor Cut : தனுஷின் குபேரா படத்திற்கு 19 இடங்களில் கை வைத்த சென்சார் – அதெல்லாம் Deleted Sceneல வருமா?

Kuberaa 19 Scenes Cuts by Censor Board : பான்-இந்தியா படமான தனுஷின் குபேரா ஜூன் 20 அன்று வெளியாக உள்ள நிலையில் படத்தின் சென்சார் குறித்து சுவாரஸ்ய தகவல்கள் வெளியாகியுள்ளன.

குபேரா ஜூன் 20ஆம் தேதி ரிலீஸ்:

Kuberaa 19 Scenes Cuts by Censor Board : தனுஷ் நடிப்பில் உருவாகியிருக்கும் குபேரா ஜூன் 20ஆம் தேதி வெள்ளிக்கிழமை உலகம் முழுவதும் வெளியாகிறது. இயக்குநர் சேகர் கம்முலா இயக்கத்தில் முதல் முறையாக தனுஷ் குபேரா படத்தில் நடித்துள்ளார். இது அவரது 2ஆவது தெலுங்கு படம். ஏற்கனவே வாத்தி படத்தில் நடித்திருந்தார். வெங்கி அட்லூரி இயக்கிய இப்படம் வெற்றி பெற்றது. சேகர் கம்முலாவின் இயக்கம் பற்றி தனியாக சொல்ல வேண்டியதில்லை. அவர் வித்தியாசமான பாணியைக் கொண்ட இயக்குனர். வழக்கமான மசாலா படங்களில் இருந்து அவர் விலகி இருப்பார். சேகர் கம்முலா தனது தொழில் வாழ்க்கையின் தொடக்கத்தில் இருந்தே மென்மையான காதல் கதைகள், குடும்பப் படங்களை இயக்கி வருகிறார். இடையில் லீடர் போன்ற அரசியல் படத்தை இயக்கினார்.

குபேரா நடிகர், நடிகைகள்:

குபேரா படத்தில் தனுஷ் உடன் இணைந்து நாகார்ஜுனா, ரஷ்மிகா மந்தனா, ஜிம் சர்ப் ஆகியோர் முக்கிய வேடங்களில் நடித்துள்ளனர். தேவி ஸ்ரீ பிரசாத் இந்தப் படத்திற்கு இசையமைத்துள்ளார். ரூ.120 கோடி பட்ஜெட்டில் இந்தப் படம் எடுக்கப்பட்டுள்ளது. சேகர் கம்முலா இயக்கியுள்ள இப்படம் U/A சான்றிதழ் பெற்றுள்ளது. ஆனால், சென்சார் வாரியம் 19 கட்ஸ் விதித்துள்ளதாக தகவல்கள் தெரிவிக்கின்றன. இதனால் படத்தின் மீதான எதிர்பார்ப்பு அதிகரித்துள்ளது.

19 இடங்களில் கட் போட்ட சென்சார் போர்டு:

தற்போது படத்தின் நீளம் 181 நிமிடங்கள். ஆரம்பத்தில் 195 நிமிடங்கள் கொண்ட பதிப்பை சென்சாருக்கு அனுப்பினர். 14 நிமிடங்கள் குறைக்கப்பட்டு 19 கட்ஸ் விதிக்கப்பட்டுள்ளது பல கேள்விகளை எழுப்புகிறது. சேகர் கம்முலா என்ன செய்தார், என்ன மாதிரியான காட்சிகள் இடம் பெற்றுள்ளன என்ற கேள்வி எழுந்துள்ளது. நாட்டின் அமைப்பையும், முறையையும் கேள்வி கேட்கும் விதமாக படம் இருக்கும் என்று படக்குழு ஏற்கனவே தெரிவித்திருந்தது. இதனால் சர்ச்சைக்குரிய காட்சிகள் ஏதேனும் உள்ளதா என்ற சந்தேகம் எழுந்துள்ளது.

பிச்சைக்கார ரோலில் தனுஷ்

தனுஷ் இப்படத்தில் பிச்சைக்காரராக நடித்துள்ளார். டிரெய்லருக்கு நல்ல வரவேற்பு கிடைத்துள்ளது. முன்பதிவு விறுவிறுப்பாக நடைபெற்று வருகிறது. அமெரிக்காவில் ஏற்கனவே 2,000 டிக்கெட்டுகள் விற்று 36,200 டாலர் வசூலித்துள்ளதாக தகவல்கள் தெரிவிக்கின்றன. தனுஷ் பல விதமான தோற்றங்களில் நடித்துள்ளார். சேகர் கம்முலா அற்புதமாக பணியாற்றியுள்ளார். அவர் எனக்கு வேலையை எளிதாக்கினார் என்று தனுஷ் ஒரு பேட்டியில் கூறினார்.

குப்பைத் தொட்டிகள், குப்பை லாரிகளில் படப்பிடிப்பு

படப்பிடிப்பு அனுபவம் குறித்து பேசிய அவர், குப்பைத் தொட்டிகள், குப்பை லாரிகளில் படப்பிடிப்பு நடத்தினோம். ஒவ்வொரு அனுபவமும் ஒரு பாடத்தை கற்றுத் தருகிறது. இந்த படம் எனக்கு மிகவும் சிறப்பு வாய்ந்தது என்றார். தலீப் தஹில், சாயாஜி ஷிண்டே ஆகியோர் முக்கிய வேடங்களில் நடித்துள்ளனர். ஸ்ரீ வெங்கடேஸ்வரா சினிமாஸ் LLP, அமிகோஸ் கிரியேஷன்ஸ் பிரைவேட் லிமிடெட் ஆகிய நிறுவனங்கள் சார்பில் சுனில் நாரங், ராம் மோகன் ராவ் தயாரித்துள்ளனர்.

சர்ச்சையை ஏற்படுத்தியுள்ள இந்த சென்சார் கட்ஸ், கதை மீதான ஆர்வத்தை அதிகரித்துள்ளது. இறுதிப் பதிப்பு திரையரங்குகளில் எப்படி இருக்கும் என்று ரசிகர்கள் ஆவலுடன் காத்திருக்கின்றனர். படம் வெளியான பிறகு படத்திலிருந்து நீக்கப்பட்ட காட்சிகள் வெளியாகும் என்று எதிர்பார்க்கப்படுகிறது.

மும்பை தாராவி

இந்த நிலையில் தான் இந்தப் படமானது மும்பை தாராவியை மையமாக கொண்ட அரசியல் த்ரில்லர் படமாக உருவாக்கப்பட்டிருப்பதாக கூறப்படுகிறது. ஏற்கனவே ரஜினிகாந்தின் காலா படம் மும்பை தாராவியை மையப்படுத்தி எடுக்கப்பட்டிருந்தது என்பது குறிப்பிடத்தக்கது. குபேரா படத்தின் ரன்னிங் டைம் 3 மணி நேரம் 13 நிமிடங்கள் ஆகும். இதையும் தாண்டி முதல் முறையாக சேகர் கம்முலா மற்றும் தனுஷ் இருவரும் முதல் முறையாக இணைந்துள்ளனர்.

இதற்கு முன்னதாக தனுஷ் நடிப்பில் வெளியான ராயன் படம் நல்ல வரவேற்பு பெற்றது. அதோடு ஒரு இயக்குநராக தனுஷ் இயக்கத்தில் கடைசியாக நிலவுக்கு என் மேல் என்னடி கோபம் படம் வெளியாகியிருந்தது. இந்தப் படம் கலவையான விமர்சனங்களை எதிர்கொண்டது.