3 நொடி இல்ல 37 நோடிகள்; நயன்தாரா மேல இருந்த மரியாதையே போச்சு! ரசிகர்கள் அதிருப்தி!

நயன்தாராவின் 'பியாண்ட் தி ஃபேரிடேல்' ஆவணப்படத்தில் 'நானும் ரவுடி தான்' படத்தின் 37 வினாடிகள் காட்சிகள் இருப்பதாக அதிருப்தி தெரிவித்து வருகின்றனர்..

நயன்தாராவின் திருமண ஆவணப்படமான 'பியாண்ட் தி ஃபேரிடேல்' படத்தின் காப்புரிமைப் பிரச்சனையால் சர்ச்சையை எதிர்கொண்டது, 'நானும் ரவுடி தான்' படத்தின் சில காட்சிகளை பயன்படுத்த தயாரிப்பாளரான தனுஷ் தடையில்லா சான்றிதழ் வழங்க மறுத்ததால் தனது ஆவணப்பட வெளியாக தாமதமானதாக நயன்தாரா பகிரங்கமாக குற்றம்சாட்டி இருந்தார்.

மேலும் வெறும் 3 விநாடி காட்சிகளுக்கு தனுஷ் ரூ.10 கேட்டு நோட்டீஸ் அனுப்பியதாகவும் நயன்தாரா கூறியிருந்தார். தனுஷை கடுமையான வார்த்தைகளால் விமர்சித்திருந்தார் நயன். தனிப்பட்ட வெறுப்பினால் தனுஷ் தன்னை பழிவாங்குவதாகவும் நயன்தாரா கூறியிருந்தார்.

இந்த சர்ச்சைக்கு மத்தியில் 'பியாண்ட் தி ஃபேரிடேல்' நவம்பர் 18 முதல் பிரபலமான டிஜிட்டல் தளத்தில் வெளியானது. மேலும் நயன்தாராவின் பிறந்தநாளை முன்னிட்டு சிறப்பு வீடியோ வெளியிடப்பட்டது.

ட்ரோல்கள் மற்றும் சர்ச்சைகளுக்கு மத்தியில் 'பியாண்ட் தி ஃபேரிடேல்' சிறப்பாக கவனம் செலுத்தி வருகிறது. ஆனால் இந்த வீடியோவில் 'நானும் ரவுடி தான்' படத்தின் 3-வினாடி கிளிப்பிங் இல்லை, படத்தின் மேக்கிங்கில் இருந்து கிட்டத்தட்ட 37 வினாடிகள் ஆவணப்படத்தில் பயன்படுத்தப்பட்டதாக ரசிகர்கள் கருத்து பதிவிட்டு வருகின்றனர். மேலும் சில நயன்தாரா மற்றும் விக்னேஷ் சிவனை விமர்சித்தும் சிலர் பதிவிட்டு வருகின்றனர்.

கௌதம் வாசுதேவ் மேனன் இயக்கிய, 'பியாண்ட் தி ஃபேரிடேல்', ஆவணப்படம் நயன்தாராவின் விக்னேஷ் சிவனுடனான உறவு, அவர்களின் 2022 திருமணம் மற்றும் அவர்களின் இரட்டை மகன்கள் உயிர் மற்றும் உலகின் வருகை ஆகியவற்றை பற்றி பேசுகிறது. நயன்தாராவின் தொழில்முறை பயணத்தையும், சமீபத்திய படங்களையும் முன்னிலைப்படுத்துகிறது, மேலும் அவரது தனிப்பட்ட பயணம் அவரது காதல் முறிவுகள் மற்றும் ஆரம்பகால வாழ்க்கைப் போராட்டங்களை நினைவுபடுத்துகிறது. இந்த ஆவணப்படத்திற்கு ரசிகர்கள் மத்தியில் கலவையான விமர்சனங்களே கிடைத்து வருகிறது என்பது குறிப்பிடத்தக்கது.