பிரபல இசையமைப்பாளரின் திடீர் மரணம், மலையாள திரையுலகினர் மற்றும் ரசிகர்கள் மத்தியில் அதிர்ச்சியை ஏற்படுத்தியுள்ளது.
ஆயிரக்கணக்கான மலையாள ரசிகர்களின் மனதை தன்னுடைய இசையால் தன்வசப்படுத்தியவர், பிரபல இசையமைப்பாளர் 52 வயதான ஜான் பி வர்கி. இவர் திடீர் உடல்நலக்குறைவு காரணமாக உயிரிழந்துள்ளது அதிர்ச்சியை ஏற்படுத்தியுளளது.
இவர் மலையாளத்தில் வெளியான கம்மட்டிப்படம், நெய்துக்காரன், பெண்கொடி, உன்னம் போன்ற சில பிரபலமான மலையாளப் படங்களுக்கு இசையமைத்தவர். கேரளா மாநிலம், முல்லக்கராவில் உள்ள தன்னுடைய வீட்டில் வசித்து வந்த வர்கி, திடீர் என ஏற்பட்ட உடல்நல குறைவு காணமாக தனது வீட்டில் மயங்கி விழுந்ததாக கூறப்படுகிறது. இதை தொடர்ந்து மருத்துவமனையில் அனுமதிக்கப்பட்ட இவர் சிகிச்சை பலனின்றி உயிரிழந்தார். இவரது மரணம் ஒட்டுமொத்த திரையுலகினர் மற்றும் ரசிகர்களை சோகத்தில் ஆழ்த்தியுள்ளது.
மேலும் செய்திகள்: தலைக்கேறிய ஓவர் போதையில்... நான்கு பேருடன் ஒரே சோபாவில் கட்டி உருளும் த்ரிஷா! வைரலாகும் வீடியோ..!
மலையாளப் படங்கள் மற்றும் பாடல்களுக்கு இசையமைத்துள்ளது மட்டுமல்லாமல், சில இந்தி, கன்னடம் மற்றும் தமிழ் படங்களிலும் வர்கி பணியாற்றியுள்ளார். மலையாள ராக் இசைக்குழுவிற்கு அவியல் என்று பெயரிடப்பட்ட கடினமான பாடல்களை இயற்றினார். ஜிக்சா புதிர் இசைக்குழுவின் முக்கிய அங்கமாக இருந்தார். மாட்ரிட் இமேஜின் இந்தியா திரைப்பட விழாவில் 2007 ஆம் ஆண்டு ஃப்ரோசன் என்ற நாடகத் திரைப்படத்திற்கு இசையமைத்ததற்காக வர்கி சிறந்த இசையமைப்பாளராக அறிவிக்கப்பட்டார்.
மேலும் செய்திகள்: மகன் சிம்புவுக்கு பெண் கேட்டு போய்.. அசிங்கப்பட்டாரா டி.ராஜேந்தர்? என்ன ஆச்சு.. வெளியான அதிர்ச்சி தகவல்!
கிதார் கலைஞரான இவர், லண்டனின் டிரினிட்டி காலேஜ் ஆஃப் மியூசிக்கில் கிட்டார் வாசிப்பதில் தேர்ச்சி பெற்றார். அவரது இசைக்குழு, ஜிக்சா புதிர் என்ற பெயரில் மூன்று ஆல்பங்களை வெளியிட்ட பிறகு அவர் புகழ் பெற்றார். மலையாள திரையுலகின் மிக திறமையான இசையமைப்பாளரான இவரது இழப்பு ஈடுசெய்ய முடியாதது என பிரபலங்கள் மற்றும் ரசிகர்கள் இவருக்கு தங்களது அஞ்சலியை செலுத்தி வருகிறார்கள். வர்கிக்கு அவரது மனைவி பேபி ஜான் மற்றும் ஜாப் மற்றும் ஜோசப் ஜான் என்ற இரண்டு குழந்தைகள் உள்ளனர் என்பது குறிப்பிடத்தக்கது.