ஒரு பிச்சைக்காரனால் அரசுக்கு ஏற்பட்ட சிக்கல் – பணமும், பவரும் இருந்தால் என்ன? குபேரா டிரைலர்!

Kuberaa Tamil Trailer Released : தனுஷ் நடித்து வெளியான இருக்கும் குபேரா படத்தின் ப்ரீ ரிலீஸ் நிகழ்ச்சி ஹைதராபாத்தில் நடைபெற்றது. இதில், குபேரா படத்தில் டிரைலர் வெளியிடப்பட்டது.

Kuberaa Tamil Trailer Released : தனுஷ் மற்றும் நாகர்ஜூனா இணைந்து நடித்துள்ள படம் குபேரா. தெலுங்கு இயக்குநர் சேகர் கம்முலா இயக்கத்தில் உருவாக்கப்பட்டிருக்கும் குபேரா படத்தில் ராஷ்மிகா மந்தனா, ஜிம் சர்ப், தலிப் தஹில் ஆகியோர் பலர் நடித்துள்ளனர். தேவி ஸ்ரீ பிரசாத் இந்தப் படத்திற்கு இசையமைத்துள்ளார். மேலும், ஸ்ரீ வெங்கடேஷ்வரா சினிமாஸ் எல் எல் பி மற்றும் அமிகோஸ் கிரியேஷன்ஸ் நிறுவனங்கள் இணைந்து இந்தப் படத்தை தயாரித்துள்ளன. கிடத்தட்ட ரூ. 120 கோடி பட்ஜெட்டில் எடுக்கப்பட்ட இந்தப் படத்தின் ரன்னிங் டைம் 193 நிமிடங்கள். அதாவது 3 மணி நேரம் 13 நிமிடங்கள் ஆகும். வரும் 20 ஆம் தேதி உலகம் முழுவதும் வெளியாக இருக்கும் இந்தப் படம் தமிழ், தெலுங்கு, கன்னடம், மலையாளம் என்று பேன் இந்தியா படமாக உருவாகி இருக்கிறது.

ஏற்கனவே குபேரா படத்தின் டிரைலர் நேற்று வெளியாக இருந்தது. ஆனால், அகமதாபாத் விமான விபத்து தொடர்பாக படத்தின் டிரைலர் ரிலீஸ் தேதி தள்ளி வைக்கப்பட்டது. அதன்படி இன்று ஹைதராபாத்தில் மிக பிரம்மாண்டமாக குபேரா ப்ரீ ரிலீஸ் நிகழ்ச்சி நடைபெற்றது. இதில், தனுஷ், நாகர்ஜூனா, ராஷ்மிகா மந்தனா, சேகர் கம்முலா ஆகியோருடன் இயக்குநர் எஸ் எஸ் ராஜமௌலி ஆகியோர் பலரும் கலந்து கொண்டனர்.

இந்நிகழ்ச்சியில் தெலுங்கு டிரைலர் வெளியிடப்பட்டது. இயக்குநர் ராஜமௌலி தெலுங்கு டிரைலரை வெளியிட்டார். இதையடுத்து நீண்ட நேரத்திற்கு பிறகு ஆன்லைனில் அனைத்து மொழிகளிலும் டிரைலர் வெளியானது. தொடர்ந்து கட்டுக் கட்டாக ரூ.500 நோட்டுகள் அடங்கிய லாக்கரில் குபேரா முன் பதிவிற்கான டிக்கெட் க்யூ ஆர் கோடு அடங்கிய அட்டையை ராஜமௌலி காண்பித்தார். இதைத் தொடர்ந்து தனுஷின் சினிமா வளர்ச்சி மற்றும் நாகர்ஜூனாவின் சினிமா வளர்ச்சி அடங்கிய வீடியோ வெளியிடப்பட்டது.

Kuberaa Pre Release Event : 

https://x.com/SVCLLP/status/1934252094674051216

இந்த நிலையில் தான இந்த நிகழ்ச்சியின் போது குபேரா டிரைலர் வெளியிடப்பட்டது. இதில் பணமும், பவரும் தான் வேலை செய்யும், நீதி, நியாயம் இல்லை – இதுதான் சரித்திரம் என்று நாகர்ஜூனா டயலாக் பேசுவதும், ஆனால் ஒரு பிச்சைக்காரனான தனுஷால் இந்த நாட்டின் தலையெழுத்தையே மாற்ற முடியும் என்பதை இந்த படம் எடுத்துக் காட்டுகிறது. அதுமட்டுமின்றி அதனால் ஏற்படும் பின் விளைவுகளை குபேரா சித்தரிக்கிறது.

இந்த உலகம் அவர்களுடைய மட்டுமில்லை, என்னுடைய உலகமும் இதுதான், வாழ்வதற்கு தான் பொழைக்க வேண்டும் என்று தனுஷ் வசனம் பேசுவதும் படத்தின் மீதான எதிர்பார்ப்பை அதிகரிக்க செய்துள்ளது. அதுமட்டுமின்றி ஒரு பிச்சைக்காரனாக வரும் தனுஷால் அரசாங்கத்திற்கு ஏற்பட்ட சிக்கலை இந்தப் படம் பட்டியலிட்டு காட்டுகிறது. அதோடு பணமும் பவரும் இருந்தாலும் கூட ஒருவரால் எல்லாமே செய்துவிட முடியாது என்பதற்கு இந்தப் படம் ஒரு சிறந்த உதாரணமாக இருக்கும் என்று எதிர்பார்க்கப்படுகிறது.

Kuberaa Tamil Trailer : 

https://youtu.be/Eyl4sQFkQiM