‘அது நான் கிடையாது’... குக் வித் கோமாளி பவித்ரா வெளியிட்ட அதிர்ச்சி வீடியோ...!

இப்படி குக் வித் கோமாளி சீசன் 2 நிகழ்ச்சி மூலமாக புகழ் பெற்ற பவித்ரா லட்சுமி வெளியிட்டுள்ள வீடியோ ஒன்று சோசியல் மீடியாவில் வைரலாகி வருகிறது. 

விஜய் தொலைக்காட்சியில் அதிக பார்வையாளர்களை கவர்ந்தது குக் வித் கோமாளி நிகழ்ச்சி.  வனிதா விஜயகுமார், ரேகா, ரம்யா பாண்டியன், நிஷா உள்ளிட்டோர் பங்கேற்ற “குக் வித் கோமாளி” முதல் சீசனுக்கு ரசிகர்கள் மத்தியில் கிடைத்த நல்ல வரவேற்பை அடுத்து தற்போது சீசன் 2 நிகழ்ச்சி ஒளிபரப்பாகி வருகிறது. இந்த சீசனில் ஷகீலா, தர்ஷா குப்தா, சீரியல் நடிகை தீபா,  மதுரை முத்து, பவித்ரா லட்சுமி, கனி, அஸ்வின், பாபா பாஸ்கர் உள்ளிட்டோரும், கோமாளிகளாக புகழ், பாலா, சிவாங்கி, மணிமேகலை, ஷரத், சுனிதா, விஜே. பார்வதி, டிக்டாக் சக்தி ஆகியோர் கலக்கி வருகின்றனர். 

கடந்த முறை ரம்யா பாண்டியனிடம் புகழ் செய்த குறும்புகள், சேட்டைகள் சிரிக்க வைத்ததோடு ரசிகர்களையும் கவர்ந்தது. அதேபோல் இந்த முறை புகழ் - பவித்ராவின் காம்பினேஷன் கலக்க வொர்க் அவுட் ஆகியுள்ளது. குழந்தை தனமான முகம், வெகுளியான புன்னகை, இனிமையான குரல் என பவித்ராவின் ஒவ்வொரு விஷயமும் ரசிகர்களை கொக்கி போட்டு இழுந்துள்ளது. 

இப்படி குக் வித் கோமாளி சீசன் 2 நிகழ்ச்சி மூலமாக புகழ் பெற்ற பவித்ரா லட்சுமி வெளியிட்டுள்ள வீடியோ ஒன்று சோசியல் மீடியாவில் வைரலாகி வருகிறது. அதில், "சில டிவிட்டர் பக்கங்கள் என்னுடையது போலவே ஆக்டிவாக இருக்கிறது. ட்விட்டரில் எனக்கு கணக்கு இருந்தாலும், நான் அதிக ஆக்டிவாக இல்லை. இன்ஸ்டாகிராமில் தான் நான் அதிக ஆக்டிவாக இருக்கிறேன். அதை ஒரு சாதகமாக பயன்படுத்திக் கொண்டு சிலர் என் பெயரை கெடுக்க பார்க்கிறார்கள். 200% அதற்கு நான் பொறுப்பல்ல. இதுதான் என்னுடைய ஒரிஜினல் ட்விட்டர் பக்கம். உங்களுடைய அன்புக்கு நன்றி" என பதிவிட்டுள்ளார்.