சல்லி சல்லியா நொறுக்கீட்டீங்களேடா... தியேட்டர் கண்ணாடியை உடைத்துக்கொண்டு உள்ளே சென்ற ரசிகர்கள் - வைரல் வீடியோ

விஜய் நடித்துள்ள வாரிசு படமும், அஜித் நடித்துள்ள துணிவு படமும் ஒரே நாளில் ரிலீஸ் ஆனால் ரசிகர்களிடையே மோதல் ஏற்படுவது வழக்கம் தான். அந்த வகையில் இன்று சென்னையில் உள்ள ரோகினி திரையரங்கில் இருதரப்பு ரசிகர்களும் பேனர்களை கிழித்து அடிதடியில் ஈடுபட்ட சம்பவம் பரபரப்பை ஏற்படுத்தி இருந்தது.

அதுமட்டுமின்றி அந்த திரையரங்கையும் ரசிகர்கள் சேதப்படுத்தி உள்ள வீடியோ ஒன்று வெளியாகி வைராகி வருகிறது. அந்த வீடியோவில் அதிகளவில் வெளியே கூடியிருந்த ரசிகர்கள் உள்ளே வராமல் தடுக்க போலீசாரும், அங்குள்ள பவுன்சர்களும் தியேட்டரின் நுழைவு வாயில் உள்ள கண்ணாடி கதவை தாங்கிப்பிடித்து நிற்கின்றனர்.

உள்ளே அனுமதிக்காத விரக்தியில், கோபமடைந்த ரசிகர்கள் அந்த கண்ணாடி கதவை அடித்து உடைத்துக் கொண்டு உள்ளே நுழையும் காட்சிகள் அடங்கிய வீடியோ வெளியாகி வைரலாகி வருகிறது. இதைப்பார்த்த நெட்டிசன்கள் ரசிகர்களின் இந்த செயலை கண்டித்து வருகின்றனர். சிலரோ அதிக விலைக்கு டிக்கெட் விற்றால் இதுபோன்று நடக்கத்தான் செய்யும் என பதிவிட்டு வருகின்றனர்.