WhatsApp Update : பயனர்களின் மனதைக் கவர.... மாஸ்டர் பிளான் போட்ட வாட்ஸ் அப் - விரைவில் வருகிறது புதிய அப்டேட்
சுருக்கம்
வாட்ஸ் அப்பில் மிகவும் பிரபலமாக விளங்கும் எமோஜிகளில், பயனர்களை கவரும் விதமாக அடுத்த அப்டேட் வெளியிடப்பட உள்ளதாம்.
இந்திய அளவில் மட்டுமில்லாமல் உலக அளவிலும் பல கோடி மக்கள் தினசரி பயன்படுத்தும் ஒரு செயலியாக இருந்து வருகிறது வாட்ஸ்அப். வாட்ஸ் அப்பை பேஸ்புக் நிறுவனம் விலைக்கு வாங்கிய பின்னர் வாட்ஸ்அப்பில் பல்வேறு அப்டேட்களை அந்நிறுவனம் வழங்கி வருகிறது.
வாட்ஸ்அப்பில் பாதுகாப்பு வசதியை அதிகரிக்கும் நோக்கிலும் பயனாளிகளை கவரும் விதத்திலும் புதிய அப்டேட்கள் வெளியாகி வருகின்றன. அந்த வகையில் வாட்ஸ் அப் செயலியில் விரைவில் வரவிருக்கும் ஒரு முக்கிய அப்டேட் குறித்து தற்போது பார்க்கலாம்.
வாட்ஸ் அப்பில் மிகவும் பிரபலமாக விளங்கும் எமோஜிகளில் தான் அடுத்த அப்டேட் உள்ளதாம். அதன்படி இதய வடிவில் கலர்கலரான அனிமேட்டட் எமோஜியை வாட்ஸ் அப் நிறுவனம் விரைவில் அறிமுகப்படுத்த உள்ளதாக கூறப்படுகிறது. தற்போது இதற்கான சோதனை நடைபெற்று வருகிறதாம். ஆண்ட்ராய்டு மற்றும் ஆப்பிள் ஐ ஓஎஸ் இயங்கு தளங்களங்களில் இந்த அப்டேட் வழங்கப்பட இருக்கிறதாம்.
தற்போது இந்த எமோஜி சிவப்பு நிறத்தில் மட்டும் இருக்கும் நிலையில், விரைவில் ஆரஞ்ச், பச்சை, மஞ்சள், கருப்பு, பர்புல் ஆகிய நிறங்களில் வழங்கப்பட இருப்பதாக தகவல் வெளியாகி உள்ளது. வாட்ஸ் அப்பின் இந்த அப்டேட் ரசிகர்களை நிச்சயம் கவரும் வண்ணம் இருக்கும் என கூறப்படுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.