வாடிக்கையாளர்களுக்கு ஷாக் கொடுத்த Vi: ₹1,999 பிளான் விலை ஒரே அடியாக ₹2,249 ஆக உயர்வு! சலுகைகள் என்னென்ன?

Vodafone வோடபோன் ஐடியா (Vi) அதன் வருடாந்திர ₹1,999 ப்ரீபெய்ட் திட்டத்தின் விலையை ₹250 உயர்த்தி ₹2,249 ஆக மாற்றியுள்ளது. இதில் 365 நாட்கள் வேலிடிட்டி உடன் கூடுதல் டேட்டா (40GB வரை) கிடைக்கும்.

டெலிகாம் துறை நிறுவனங்கள் கட்டணங்களை உயர்த்தி வருகின்றன. அந்த வரிசையில், வோடபோன் ஐடியா (Vi) தனது வருடாந்திர ₹1,999 ப்ரீபெய்ட் திட்டத்தின் விலையை ₹250 உயர்த்தி வாடிக்கையாளர்களுக்கு அதிர்ச்சியை அளித்துள்ளது. தற்போது இந்தத் திட்டம் ₹2,249 என்ற புதிய விலையில் கிடைக்கிறது. தற்போதைய கட்டண விகிதங்கள் நிலைத்தன்மைக்கு ஏற்றதாக இல்லை எனக் கூறி, இந்த விலையேற்றம் அவசியமானது என்று Vi நிறுவனம் விளக்கம் அளித்துள்ளது. இந்த விலை திருத்தம், வருடாந்திரத் திட்ட வாடிக்கையாளர்களுக்கு ஒரு பெரிய சுமையை ஏற்படுத்தியுள்ளது.

பழைய ₹1,999 திட்டத்தின் பலன்கள் (பழைய திட்ட விவரம்)

விலை உயர்த்துவதற்கு முன்பு, Vi-ன் ₹1,999 திட்டம் ஒரு வருட வேலிடிட்டியுடன் வழங்கப்பட்டு வந்தது. இந்தத் திட்டத்தின் பழைய பலன்கள்:

• அழைப்புகள்: அன்லிமிடெட் வாய்ஸ் கால்கள்.

• SMS: 3,600 எஸ்எம்எஸ்கள்.

• டேட்டா: வாடிக்கையாளர் இருக்கும் வட்டத்தைப் பொறுத்து 24GB அல்லது 36GB மொத்த டேட்டா கிடைத்தது.

• சராசரி செலவு: ஒரு நாளைக்கு சுமார் ₹5.40 மட்டுமே செலவானது.

• கூடுதல் செலவு: டேட்டா தீர்ந்த பிறகு, ஒரு மெகாபைட் (MB) டேட்டாவிற்கு ₹0.50 வசூலிக்கப்பட்டது.

புதிய ₹2,249 திட்டத்தில் என்னென்ன பலன்கள்?

விலை ₹2,249 ஆக உயர்த்தப்பட்ட போதிலும், Vi நிறுவனம் வாடிக்கையாளர்களுக்கு கூடுதல் டேட்டா வடிவில் சலுகை அளித்துள்ளது.

• புதிய விலை & வேலிடிட்டி: ₹2,249; 365 நாட்கள் வேலிடிட்டி.

• அழைப்புகள் & SMS: அன்லிமிடெட் வாய்ஸ் கால்கள் மற்றும் 3,600 எஸ்எம்எஸ்கள்.

• அதிகரிக்கப்பட்ட டேட்டா: வட்டங்களைப் பொறுத்து 30GB அல்லது 40GB மொத்த டேட்டா வழங்கப்படுகிறது.

o 30GB டேட்டா (6GB கூடுதல்): தமிழ்நாடு, சென்னை, டெல்லி, மும்பை, கர்நாடகா, கேரளா உள்ளிட்ட பெரும்பாலான முக்கிய வட்டங்கள்.

o 40GB டேட்டா (4GB கூடுதல்): அஸ்ஸாம், இமாச்சல பிரதேசம், ஜம்மு காஷ்மீர், வடகிழக்கு மற்றும் ஒடிசா.

• சராசரி செலவு: புதிய திட்டத்தின் தினசரி செலவு சுமார் ₹6.16 ஆக உயர்ந்துள்ளது.

ஏர்டெல் உடன் போட்டி: ஒரே விலை, சலுகைகளில் வேறுபாடு 

Vi-ன் இந்த புதிய ₹2,249 திட்டமானது, Airtel-ன் ₹2,249 திட்டத்துடன் ஒத்துப்போகிறது. இரண்டு திட்டங்களும் ஒரு வருட வேலிடிட்டி, அன்லிமிடெட் அழைப்புகள், 3,600 எஸ்எம்எஸ் மற்றும் 30GB டேட்டாவை வழங்குகின்றன. இருப்பினும், Airtel திட்டத்தில் பொதுவாக Perplexity Pro AI அம்சம் மற்றும் இலவச Hello Tunes போன்ற கூடுதல் சலுகைகள் கிடைக்கும்.

Vi தனது வருடாந்திர வாய்ஸ்-சென்ட்ரிக் திட்டத்தின் விலையை ₹250 உயர்த்தியுள்ளது. ஆனால், அதற்கு ஈடாக வாடிக்கையாளர்களுக்கு கூடுதல் டேட்டா பலன்கள் கிடைப்பதாக Vi தெரிவித்துள்ளது. எனினும், வாடிக்கையாளர்கள் இனி தங்கள் வருடாந்திர ப்ரீபெய்ட் திட்டங்களுக்கு அதிக கட்டணம் செலுத்த வேண்டிய நிலை ஏற்பட்டுள்ளது.