மிகக்குறைந்த விலையில் 6.51 இன்ச் டிஸ்ப்ளே, 5000mAh பேட்டரியுடன் Vivo Y02 ஸ்மார்ட்போன் அறிமுகம்!

விவோ நிறுவனத்தின் புத்தம் புதிய Vivo Y02 ஸ்மார்ட்போன் இந்தோனேஷியாவில் அறிமுகம் செய்யப்பட்டுள்ளது. இதன் விலை மற்றும் சிறப்பம்சங்கள் குறித்த விவரங்களை இங்குக் காணலாம்.

ஸ்லிம்மான ஸ்டைலிஷான ஸ்மார்ட்போன்களை தயாரிப்பதில் முன்னனி நிறுவனம் விவோ ஆகும். இந்தாண்டு தொடக்கத்தில் விவோ Y01 என்ற ஸ்மார்ட்போன் அறிமுகம் செய்தது. அது வாடிக்கையாளர்கள் மத்தியில் நல்ல வரவேற்பு பெற்ற நிலயில் தற்போது, விவோ Y02 என்ற ஸ்மார்ட்போன் இந்தோனேஷியாவில் அறிமுகம் செய்யப்பட்டுள்ளது. 

இந்த ஸ்மார்ட்போனில் 6.51-இன்ச் HD+ டிஸ்ப்ளே, ஆண்ட்ராய்டு 12 கோ எடிசன், Funtouch OS 12 ஆகியவை உள்ளன. பின்பக்கத்தில் 8 மெகா பிக்சல் பிரைமரி கேமரா,  முன்பக்கத்தில் 5 மெகா பிக்சல் செல்ஃபி கேமரா, 5000mAh சக்தி கொண்ட பேட்டரி, அதற்கு ஏற்ப 10W சார்ஜர் உள்ளன. 

விரல்ரேகை தடம் தெரியாத மென்மையான சாம்பல் நிற மேற்பரப்பைக் கொண்டுள்ளது, மேலும் நீலம் கலந்த நீல ஊதா நிறத்துடனும் வருகிறது. விவோ தரப்பில் அதன் அதிகாரப்பூர்வ வேரியண்ட் Cosmic Grey மற்றும் Orchid Blue வண்ணங்கள் ஆகும். 3GB+32GB மாடலின் விலை இந்திய மதிப்பில் சுமார் 7,785 ரூபாய் ஆகும். இது இந்தோனேசியாவில் ஏற்கனவே விற்பனையில் உள்ளது. இந்தியாவில் எப்போது விற்பனைக்கு வரும் என்பது குறித்த விவரங்கள் விரைவில் வரும் என்று எதிர்பார்க்கப்படுகிறது. 

Vivo Y02 ஸ்மார்ட்போனில் உள்ள சிறப்பம்சங்கள்:

• திரை: 6.51-இன்ச் (1600 x 720 பிக்சல்கள்) HD+ 20:9 LCD திரை
• பிராசசர்: ஆக்டா கோர்
• ரேம் மற்றும் மெமரி: 2 ஜிபி/3ஜிபி ரேம், 32 ஜிபி மெமரி, மைக்ரோ எஸ்டி மூலம் 1டிபி மெமரியை அதிகரிக்கலாம்
• ஆண்ட்ராய்டு: Funtouch OS 12 உடன் Android 12 Go பதிப்பு
• சிம் வகை: டூயல் சிம் (நானோ + நானோ + மைக்ரோ எஸ்டி)
• கேமரா: எல்இடி ப்ளாஷ் கொண்ட 8எம்பி பின்புற கேமரா, 5MP முன் கேமரா
• ஆடியோ: 3.5mm ஆடியோ ஜாக், FM ரேடியோ
• பரிமாணங்கள்: 163.99×75.63×8.49mm; 
• எடை: 186 கிராம்
• நெட்வொர்க்: 4G VoLTE, WiFi 802.11 b/g/n, ப்ளூடூத் 5.0, GPS + GLONASS, USB Type-C
• சார்ஜர்: 5000mAh பேட்டரி, 10W சார்ஜர்