120Hz திரை, 50MP கேமரா – குறைந்த விலையில் Oppo Reno 15C சூப்பர் அப்டேட்!

Oppo தனது Reno 15 தொடரில் Reno 15C என்ற புதிய மாடலை அறிமுகப்படுத்த உள்ளது. 50MP டிரிபிள் கேமரா மற்றும் 80W ஃபாஸ்ட் சார்ஜிங் போன்ற அம்சங்களுடன் குறைந்த விலையில் அதிக அம்சங்களை எதிர்பார்க்கும் பயனர்களைக் குறிவைக்கிறது.

Oppo தனது Reno 15 Series-இல் இன்னொரு புதிய ஸ்மார்ட்போனைச் சேர்க்கத் தயாராகி வருவதாகத் தொழில்நுட்ப உலகில் செய்திகள் வெளியாகியுள்ளன. அந்த மாடல் Oppo Reno 15C ஆகும். இந்த தகவலை உறுதிப்படுத்தும் வகையில், நிறுவனம் Reno 15 தொடர் நிகழ்வின் போது ஒரு குறுகிய டீசரையும் வெளியிட்டுள்ளது. குறைந்த விலையில் அதிக அம்சங்கள் கிடைக்க வேண்டும் என்று எதிர்பார்க்கும் பயனர்களை இந்த Reno 15C ஈர்க்கும் என்று கருதப்படுகிறது.

மென்மையான அனுபவம்

கசிந்த தகவலின்படி, Oppo Reno 15C-ல் 6.59 இன்ச் LTPS OLED Flat Display வரும். இதில் 1.5K Resolution மற்றும் 120Hz Refresh Rate இருப்பதால், வீடியோக்கள், கேமிங் மற்றும் ஸ்க்ரோலிங் அனுபவம் மென்மையாக இருக்கும். இந்த டிஸ்ப்ளே, இதுவரை Reno 15 Series-ல் வழங்கிய தரத்துடன் போட்டியிடும் வகையில் இருக்கும் என தெரிகிறது.

ரேம், சேமிப்பு மற்றும் செயலி

இந்த ஸ்மார்ட்போன் அதிகபட்சமாக 12ஜிபி ரேம் மற்றும் 512ஜிபி சேமிப்பு உடன் கிடைக்கும் என எதிர்பார்க்கப்படுகிறது. Oppo Reno 15C-ல் Qualcomm Snapdragon 7 Gen 4 chipset பயன்படுத்தப்படும். இது நடுத்தர விலை மொபைல்களில் சக்திவாய்ந்த செயலி என்ற பெருமையைப் பெற்றுள்ளது.

கேமரா

Reno 15C-ல் மொத்தம் 3 ரியர் கேமராக்கள் வரலாம். இதில்:

• 50எம்பி முதன்மை சென்சார்
• 8MP அல்ட்ரா-வைட் லென்ஸ்
• 50MP டெலிஃபோட்டோ லென்ஸ்

செல்ஃபி மற்றும் வீடியோ காலிங் நன்கு அமைய, 50MP முன் கேமரா இருப்பதாகவும் தகவல்கள் உறுதிப்படுத்துகின்றன. இது கேமரா பயனர்களுக்கு கூடுதல் பலமாக இருக்கும்.

சார்ஜிங் மற்றும் டிசைன்

Oppo Reno 15C-ல் 80W Fast Charging கிடைக்கலாம். பாதுகாப்பிற்காக இன்-டிஸ்ப்ளே ஆப்டிகல் ஃபிங்கர்பிரிண்ட் ஸ்கேனர் இடம் பெறும். எடை 197 கிராம் மட்டுமே ஆகும். நிறங்களில் Aurora Blue, College Blue, Starlight White வரும் என எதிர்பார்க்கப்படுகிறது. அதிகாரப்பூர்வ வெளியீட்டு தேதி போன்ற தகவல்கள் இதுவரை வெளிவரவில்லை.