சஸ்பென்ஷன் இயங்காததால் விபத்தில் சிக்கிய வாடிக்கையாளர்... புது சர்ச்சையில் சிக்கிய ஓலா எலெக்ட்ரிக்..!
சுருக்கம்
ஸ்ரீநாத் மேனன் என்ற நபர் தனது எலெக்ட்ரிக் ஸ்கூட்டரில் சஸ்பென்ஷன் வேலை செய்யவில்லை என ட்விட்டரில் தெரிவித்தார்.
ஓலா எலெக்ட்ரிக் ஸ்கூட்டர் மீண்டும் சர்ச்சையில் சிக்கி உள்ளது. இம்முறை ஓலா எலெக்ட்ரிக் ஸ்கூட்டரில் மெக்கானிக்கல் கோளாறு ஏற்பட்டு இருக்கிறது. கடந்த சில மாதங்களாக பேட்டரி தீப்பிடித்து எரிவது, நிர்வாகம் சரியாக பதில் அளிக்காதது மற்றும் வாடிக்கையாளர்களை விபத்தில் சிக்க வைத்தது என பல்வேறு பிரச்சினைகளில் ஓலா எலெக்ட்ரிக் சிக்கித் தவித்து வருகிறது. இந்த நிலையில், ஓலா எலெக்ட்ரிக் ஸ்கூட்டரின் உறுதித் தன்மை குறித்த சந்தேகம் எழுந்துள்ளது.
வாடிக்கையாளர் ஒருவர் ஸ்கூட்டரில் பயணித்துக் கொண்டிருந்த போது, திடீரென முன்புற சஸ்பென்ஷன் யூனிட் இயங்காமல் போனது என குற்றம் சாட்டி உள்ளார். ஸ்ரீநாத் மேனன் என்ற நபர் தனது எலெக்ட்ரிக் ஸ்கூட்டரில் சஸ்பென்ஷன் வேலை செய்யவில்லை என ட்விட்டரில் தெரிவித்தார். இதை அடுத்து மற்றொரு பயனர், தனக்கும் இதே பிரச்சினை ஏற்பட்டது என தெரிவித்து இருக்கிறார்.
சஸ்பென்ஷன்:
இவரது ட்விட்டர் பதிவின் படி ஓலா எலெக்ட்ரிக் ஸ்கூட்டர் மணிக்கு 25 கிலோமீட்டர் வேகத்தில் சென்று கொண்டு இருந்த போது, சஸ்பென்ஷன் வேலை செய்யாமல் போனதை அடுத்து சுவரில் மோதியதாக தெரிவித்து உள்ளார். இத்துடன் சஸ்பென்ஷன் இயங்காமல் போனதை தெரிவிக்கும் புகைப்படங்களை ஒருவர் வெளியிட்டார்.
ஓலா ஸ்கூட்டரின் முன்புற சஸ்பென்ஷன் இயங்காமல் போனது பற்றி ஏற்கனவே ஒரு பயனர் குற்றம்சாட்டி இருந்தார். அதன்படி முன்புற சஸ்பென்ஷன் இயங்காததால், முன்னே சென்று கொண்டு இருந்த வாகனத்தில் ஓலா எலெக்ட்ரிக் ஸ்கூட்டர் மோதியது. இதுவரை மூன்று முறை ஓலா ஸ்கூட்டரின் முன்புற சஸ்பென்ஷன் இயங்காமல் போனது பற்றி ஓலா நிறுவனம் விசாரணை மேற்கொண்டு வருவதாக கூறப்படுகிறது.
அன்றாட பயன்பாடுகளின் போது அனைத்து விதமான சூழ்நிலைகளிலும் சீராக இயங்க வேண்டிய மிக முக்கிய அம்சம் சஸ்பென்ஷன் தான். இந்திய சாலைகளின் தரம் மற்ற நாடுகளை விட மோசமாக இருப்பதை அடுத்து பல்வேறு நிறுவனங்களும் சஸ்பென்ஷன் விஷயத்தில் கூடுதல் கவனம் செலுத்தி உறுதியானவைகளாக உருவாக்கி வழங்குகின்றன. இந்த நிலையில், ஓலா ஸ்கூட்டரில் முன்புற சஸ்பென்ஷன் இயங்காமல் போவது, பாதுகாப்பிற்கு மிகப் பெரும் அச்சுறுத்தலாக இருக்கிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.