Netflix : 60 சதவீதம் வரை கட்டணம் குறைப்பு.... மாஸான அறிவிப்பை வெளியிட்ட நெட்பிளிக்ஸ் - ஷாக் ஆன அமேசான்
சுருக்கம்
அமேசான் பிரைம் ஓடிடி தளம் சமீபத்தில் தனது சந்தா விலைகளை உயர்த்திய நிலையில், தற்போது நெட்பிளிக்ஸ் விலை குறைப்பை அறிவித்துள்ளது குறிப்பிடத்தக்கது.
இந்தியாவில் கடந்த இரண்டு ஆண்டுகளாக ஓடிடி தளங்கள் அசுர வளர்ச்சி கண்டுள்ளன. இதன் காரணமாக புதிய படங்களை நேரடியாக ஓடிடி-யில் வெளியிடப்பட்டு வருகின்றன. அத்தகைய ஓடிடி தளங்களில் முன்னணியில் இருப்பது நெட்பிளிக்ஸ் ஓடிடி தளம். இந்நிறுவனம் தற்போது இந்தியாவில் அதன் சந்தா விலைகளை திடீரென குறைத்துள்ளது.
முன்னதாக இந்த ஓடிடி தளத்தின் குறைந்தபட்ச சந்தா விலை ரூ.199 ஆக இருந்த நிலையில், தற்போது அதன் விலை ரூ.149-ஆக குறைக்கப்பட்டு உள்ளது. அதேபோல் ரூ. 499 ஆக இருந்த பேசிக் பேக்கின் விலை தற்போது ரூ. 199 என குறைந்துள்ளது.
இதுதவிர ஸ்டாண்டர்டு பேக் விலை ரூ. 649-இல் இருந்து ரூ. 499 ஆகவும், பிரீமியம் பேக் விலை ரூ. 799-இல் இருந்து ரூ. 649 ஆகவும் குறைக்கப்பட்டுள்ளது. இவை அனைத்தும் ஒரு மாத வேலிடிட்டி கொண்ட பேக்குகள் ஆகும்.
முன்பை விட 18 முதல் 60 சதவீதம் வரை விலைக் குறைப்பு செய்துள்ளது நெட்பிளிக்ஸ். சமீபத்தில் அமேசான் பிரைம் ஓடிடி தளம் தனது சந்தா விலைகளை உயர்த்திய நிலையில், தற்போது நெட்பிளிக்ஸ் விலை குறைப்பை அறிவித்துள்ளது குறிப்பிடத்தக்கது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.