
Facebook, Whatsapp, Instagram ஆகியவற்றை முதன்மையாக கொண்டு செயல்படும் நிறுவனம் Meta. ஏற்கெனவே மெட்டா நிறுவனம் Metaverse என்ற மெய்நிகர் உலகத்திற்கான தொழில்நுட்பத்தை மேம்படுத்தி வருகிறது. இதற்கான கண்ணாடிகளும், பிற உபகரணங்களும் முழுவீச்சில் தயாராகி வருகின்றன.
அடுத்த வாரம் அறிமுகமாகும் Moto G72 ஸ்மார்ட்போன்! என்னென்ன சிறப்பம்சங்கள் இருக்கும்?
இந்த நிலையில், தற்போது Make-A-Video என்ற தொழில்நுட்பத்தை ஆய்வு செய்து வருகிறது. இது செயற்கை நுண்ணறிவு கொண்டு, எழுத்து மூலம் வீடியோ அம்சமாகும். அதாவது, ஒரிரு வரிகளை எழுதினால், அந்த வரிகளுக்கு ஏற்ப தானாகவே ஒரு வீடியோ உருவாக்கப்படும். அவ்வாறு உருவாக்கப்படும் வீடியோ ஐந்து நொடிகள் கொண்டதாக இருக்கும்.
இதற்காக எக்கச்சக்கமான வீடியோ கிளிப்புகளையும், கிளவுட் வீடியோக்கள், மற்றும் கட்டுரைகளை திரட்டியுள்ளது. செயற்கை நுண்ணறிவுக்கு இவற்றை பகுத்தறிந்து, வீடியோ உருவாக்கும் தன்மையை உட்புகுத்த முயற்சி நடைபெறுகிறது.
ஜனவரி முதல் Google Stadia சேவை நிறுத்தம்!
ஏற்கெனவே, விர்ச்சுவல் வேர்ல்டு தொழில்நுட்பத்தில் ஆதாரவுகளும், எதிர்ப்புகளும் உள்ள நிலையில், ஃபேஸ்புக்கின் முயற்சி தேவைதானா என்ற கேள்வி எழுகிறது. இது தவறான தகவல்களைப் பரப்புவதற்கும், ஆபாசமான உள்ளடக்கங்களை உருவாக்குவதற்கும் வழிவகுத்திடும். எல்லாவற்றிருக்கும் மேலாக, டீப்ஃபேக்ஸ் எனப்படும், போலியான உருவத்தை உருவாக்கும் மோசடி சம்பவங்களுக்கு அதிக வாய்ப்புகள் உள்ளன.
மெட்டா நிறுவனத்தின் இந்த வீடியோ மேக் திட்டம் எந்த அளவில் உள்ளது, எவ்வளவு பட்ஜெட் ஒதுக்கப்பட்டுள்ளது என்பது குறித்த விவரங்கள் வரவில்லை. விரைவில் இது தொடர்பாக அதிகாரப்பூர்வ செய்திகள் வெளியாகும் என்று எதிர்பார்க்கப்படுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.