சத்தமின்றி புதிய டிசையர் S-CNG மாடலை வெளியிட்ட மாருதி சுசுகி
By Kevin Kaarki | First Published Mar 8, 2022, 4:03 PM ISTமாருதி சுசுகி நிறுவனம் தனது டிசையர் S-CNG வேரியண்டை இந்திய சந்தையில் விற்பனைக்கு அறிமுகம் செய்தது.
மாருதி சுசுகி நிறுவனம் கம்ப்ரெஸ்டு நேச்சுரல் கியாஸ் எனப்படும் CNG வாகனங்களில் அதிக கவனம் செலுத்த துவங்கி இருக்கிறது. சமீபத்தில் S-CNG கிட் கொண்ட புது மாடல்களை மாருதி சுசுகி அறிமுகம் செய்து வருகிறது. அந்த வகையில், அதிகம் எதிர்பார்க்கப்பட்ட டிசையர் S-CNG மாடலை இந்திய சந்தையில் அறிமுகம் செய்து இருக்கிறது.
மற்ற CNG மாடல்களை போன்று இல்லாமல் புதிய டிசையர் மாடலின் மிட்-ஸ்பெக் VXI மற்றும் டாப் எண்ட் ZXI வேரியண்ட்களில் S-CNG கிட் வழழங்கப்படுகிறது. புதிய மாருதி சுசுகி டிசையர் S-CNG விலை முறையே ரூ. 8.14 லட்சம் மற்றும் ரூ. 8.82 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
Latest Videos
முதல் முறையாக வாடகை கார் மட்டுமின்றி அனைத்து வாடிக்கையாளர்களுக்கும் S-CNG கிட் வசதியை டிசையர் மாடலில் மாருதி சுசுகி வழங்கி இறுக்கிறது. முன்னதாக இந்த வசதி டூர் எஸ் வேரியண்டில் மட்டுமே வழங்கப்பட்டு இருந்தது குறிப்பிடத்தக்கது.
புதிய மாருதி சுசுகி S-CNG மாடலில் 1.2 லிட்டர், 4 சிலிண்டர் பெட்ரோல் என்ஜின் வழங்கப்பட்டு இருக்கிறது. இந்த என்ஜின் 88.5 பி.ஹெச்.பி. திறன், 113 நியூட்டன் மீட்டர் டார்க் இழுவிசையை வெளிப்படுத்துகிறது. CNG மோடில் இந்த என்ஜின் செயல்திறன் 76 பி.ஹெச்.பி. மற்றும் 98.5 நியூட்டன் மீட்டர் என குறைகிறது. S-CNG கொண்ட டிசையர் மாடலில் 5 ஸ்பீடு மேனுவல் கியர்பாக்ஸ் வழங்கப்பட்டு உள்ளது.
புதிய டிசையர் S-CNG மாடல் லிட்டருக்கு 31.12 கிலோமீட்டர் வரை செல்லும் திறன் கொண்டிருக்கிறது. அம்சங்களை பொருத்தவரை புதிய S-CNG மாடலில் ஸ்டாண்டர்டு டிசையர் மாடலில் உள்ள அதே அம்சங்களை வழங்கப்பட்டுள்ளன. புதிய மாருதி சுசுகி டிசையர் S-CNG மாடல் மாதாந்திர சந்தா திட்டத்திலும் கிடைக்கிறது. இதற்கான கட்டணம் மாதம் ரூ. 16,999 என துவங்குகிறது.
சேனலை கிளிக் செய்து பின்தொடரவும்