HMD Phones : பிரபல நோக்கியா நிறுவன போன்களை தயாரித்து வந்த HMD நிறுவனம் இப்பொது இந்தியாவில் தனது கைப்பேசிகளை விற்பனைக்கு கொண்டுவந்துள்ளது.
இன்று செவ்வாயன்று இந்தியாவில் தனது HMD 110 மற்றும் HMD 105 அறிவிக்கப்பட்டது. இந்தியாவில் விற்பனைக்கு வந்துள்ள இந்த நிறுவனத்தின் முதல் தொலைபேசிகள் இவை என்பது குறிப்பிடத்தக்கது. இந்த இரு போன்கள் பல வண்ண விருப்பங்களில் வழங்கப்படுகின்றன மற்றும் மல்டிமீடியா அம்சங்களுடன் கூடிய பட்ஜெட் போனாக இது இருக்கும்.
மேலும் புதிதாக அறிமுகப்படுத்தப்பட்ட இந்த ஃபீச்சர் போன்களில் உள்ளமைக்கப்பட்ட UPI பயன்பாடுகளையும் நிறுவனம் வைத்துள்ளது. மேலும் அவை 18 நாட்கள் வரை பேட்டரி ஆயுளை வழங்குவதாகக் HMD நிறுவனம் கூறுகிறது. HMD 110 கைபேசியில் பின்புற கேமரா அலகும் உள்ளது என்பது குறிப்பிடத்தக்கது.
ஐபோன், ஆப்பிள் வாட்ச் பயன்படுத்துபவர்கள் ஜாக்கிரதை.! இந்த மிஸ்டேக்கை பண்ணாதீங்க..
HMD 110 கருப்பு மற்றும் பச்சை வண்ண விருப்பங்களில் வழங்கப்படுகிறது, HMD 105 கருப்பு, நீலம் மற்றும் ஊதா நிறங்களில் வருகிறது. மேலும் இந்த இரு போன்களும் இன்னும் ஆன்லைனில் பட்டியலிடப்படவில்லை என்பதை நினைவில்கொள்ளவேண்டும். மேலும் மிகவும் மலிவு விலை போனாக இந்த HMD போன்கள் இருக்கும் என்று கூறப்படுகிறது.
இந்தியாவில் HMD 110 மற்றும் HMD 105 முறையே ரூ. 1,119 மற்றும் ரூ. 999 என்ற விலையில் விற்பனைக்கு வரும் என்று அறிவிக்கபட்டுள்ளது. இன்று ஜூன் மாதம் 11ம் தேதி முதல் நாட்டில் HMD.com, இ-காமர்ஸ் தளங்கள் மற்றும் ஆஃப்லைன் சில்லறை விற்பனை கடைகள் வழியாக இந்த போன் கிடைக்கும் என்று HMD நிறுவனம் மேலும் கூறியது.
எச்எம்டி 110 மற்றும் எச்எம்டி 105 ஆகியவை ஃபோன் டாக்கர், ஆட்டோ கால் ரெக்கார்டிங் மற்றும் எம்பி3 பிளேயர் போன்ற கருவிகளைக் கொண்ட ஃபீச்சர் ஃபோன்களாக இந்திய சந்தையில் அறிமுகம் செய்யப்பட்டுள்ளது. கைபேசிகள் கம்பி மற்றும் வயர்லெஸ் எஃப்எம் ரேடியோ ஆகிய இரண்டிற்குமான ஆதரவுடன் வருகின்றன.
உங்கள் பட்ஜெட் ரூ.15 ஆயிரம் ரூபாய் தானா.. பட்ஜெட்டிற்குள் அடங்கும் தரமான 5 ஸ்மார்ட்போன்கள்..