கூகுள் பிக்சல் வாட்ச் வெளியீடு - இணையத்தில் வெளியான புது தகவல்!
சுருக்கம்
கூகுள் நிறுவனம் உருவாக்கி வரும் பிக்சல் வாட்ச் மாடல் மே மாத வாக்கில் விற்பனைக்கு அறிமுகம் செய்யப்படலாம் என தகவல் வெளியாகி உள்ளது.
கூகுள் பிக்சல் வாட்ச் மாடல் மே 26 ஆம் தேதி விற்பனைக்கு அறிமுகம் செய்யப்படலாம் என தகவல் வெளியாகி உள்ளது. கூகுள் நிறுவனத்தின் முதல் ஸ்மார்ட்வாட்ச் பற்றி விவரங்கள் நீண்ட காலமாக இணையத்தில் தகவல் வெளியாகி வருகிறது. எனினும், இப்படி ஒரு சாதனம் உருவாக்கப்படுவதாக கூகுள் இதுவரை எந்த தகவலும் வழங்கவில்லை.
இணையத்தில் வெளியாகி இருக்கும் சமீபத்திய தகவல்களின் படி கூகுள் நிறுவனத்தின் முதல் ஸ்மார்ட்வாட்ச் உற்பத்தி பணிகள் இறுதிக்கட்டத்தை அடைந்துள்ளதாக கூறப்படுகிறது. தற்போதைக்கு கூகுள் தனது பிக்சல் வாட்ச் மாடலை மே 26 ஆம் தேதி அறிமுகம் செய்ய திட்டமிட்டுள்ளதாக சந்தை வல்லுநரான ஜான் ப்ரோசர் தெரிவித்துள்ளார். எனினும், இந்த தேதி எப்போது வேண்டுமானாலும் மாற்றப்படலாம் அவ்வாறு மாற்றப்பட்டால் அதுபற்றிய தகவலை தெரிவிப்பதாகவும் அவர் மேலும் தெரிவித்து இருக்கிறார்.
தற்போது வெளியாகி இருக்கும் தேதியில் தான் கூகுள் தனது I/O டெவலப்பர் நிகழ்வை நடத்த திட்டமிட்டு இருக்கிறது. இதே நிகழ்வின் போதே கூகுள் தனது பிக்சல் ஸ்மார்ட்வாட்ச் மாடலை அறிமுகம் செய்யலாம் என கூறப்படுகிறது. இந்த ஸ்மார்ட்வாட்ச் 'ரோஹன்' எனும் குறியீட்டு பெயரில் உருவாக்கப்படுவதாக தகவல் வெளியாகி உள்ளது. கூகுள் நிறுவனத்தின் பிக்சல் வாட்ச், ஆப்பிள் வாட்ச் மாடலுக்கு போட்டியாக வெளியிடப்பட இருக்கிறது.
புது வாட்ச் ரெண்டர்களின் படி வட்ட வடிவம் கொண்ட டையல் மற்றும் மிக மெல்லிய பெசல்களை கொண்டிருக்கும் என தெரியவந்துள்ளது. மேலும் பிக்சல் ஸ்மார்ட்வாட்ச் பல்வேறு நிறங்களில் கிடைக்கிறது. கூகுள் பிக்சல் வாட்ச் மாடலில் சாம்சங் உருவாக்கிய பிரத்யேக சிப்செட் வழங்கப்படும் என கூறப்படுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.