ரூ. 4 ஆயிரம் கோடிக்கு காப்புரிமைகளை விற்கும்
சுருக்கம்
மொபைல் சாதனங்கள் மற்றும் மெசேஜிங் தொடர்பான காப்புரிமைகளை விற்பனை செய்யும் பிளாக்பெரி.
பிளாக்பெரி நிறுவனம் மொபைல் சாதனங்கள், மெசேஜிங் மற்றும் வயர்லெஸ் நெட்வொர்க்கிங் சார்ந்த சட்டப்பூர்வ காப்புரிமைகள் அனைத்தையும் விற்பனை செய்யப் போவதாக அறிவித்து உள்ளது. இவை அனைத்தையும் 600 மில்லியன் டாலர்கள் இந்திய மதிப்பில் ரூ. 4,490 கோடிக்கு விற்பனை செய்ய பிளாக்பெரி முடிவு செய்துள்ளது.
பிளாக்பெரி நிறுவன காப்புரிமைகளை Catapult IP Innovations எனும் நிறுவனம் வாங்குகிறது. இது பிளாக்பெரி காப்புரிமைகளை பெறுவதற்காகவே உருவாக்கப்பட்டு இருக்கிறது. இந்த விற்பனை பிளாக்பெரி சாதனங்கள் மற்றும் சேவைகளை எந்த விதத்திலும் பாதிக்காது என பிளாக்பெரி தெரிவித்துள்ளது.
பிளாக்பெரியின் தற்போதைய வியாபார பணிகளுக்கு அவசியமான காப்புரிமைகள் எதுவும் இந்த விற்பனையில் சேர்க்கப்படவில்லை. விற்பனை செய்யப்படும் காப்புரிமைகளுக்கான உரிமத்தை பிளாக்பெரி பெற்றுக் கொள்ளும். விற்பனை நிறைவில் பிளாக்பெரி நிறுவனத்திற்கு 450 மில்லியன் டாலர்கள் ரொக்கமாகவும், 150 மில்லியன் டாலர்கள் சட்டப்பூர்வ பத்திரங்கள் வடிவிலும் வழங்கப்படும்.
பத்திரங்களுக்கான தொகை ஐந்து சரிசம தவணைகளில் வழங்கப்படும். ஜனவரி மாத துவக்கத்தில் பிளாக்பெரி தனது சேவைகள் அனைத்தையும் நிறுத்தியது. மொபைல் டேட்டா, அழைப்புகள், குறுந்தகவல்கள் மற்றும் 9-1-1 போன்ற சேவைகள் அனைத்தும் முழுமையாக நிறுத்தப்பட்டன.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.