இனி அப்படி கொடுக்க முடியாது - இலவச டிரையலை திடீரென மாற்றிய ஆப்பிள்
சுருக்கம்
ஆப்பிள் மியூசிக் சேவையில் வழங்கப்பட்டு வந்த மூன்று மாத டிரையல் நிறுத்தப்பட்டு இருக்கிறது.
ஆப்பிள் நிறுவனம் தனது ஆப்பிள் மியூசிக் ஸ்டிரீமிங் சேவையின் டிரையல் திட்டத்தை மாற்றியமைத்து இருக்கிறது. அதன்படி ஏற்கனவே வழங்கப்பட்டு வந்த மூன்று மாத டிரையல் ஒரு மாதமாக குறைக்கப்பட்டு இருக்கிறது. ஆப்பிள் மியூசிக் சேவை வழங்கப்பட்டு இருக்கும் அனைத்து பகுதிகளிலும் இது அமலுக்கு வந்துள்ளதாக தகவல் வெளியாகி உள்ளது.
மேலும் இதே தகவல் அந்நிறுவனத்தின் இந்திய வலைதளத்திலும் இடம்பெற்று இருக்கிறது. ஆப்பிள் இந்தியா வலைதளத்தில் ஆப்பிள் மியூசிக் சேவைக்கான சந்தா ஒரு மாதத்திற்கு மட்டுமே இலவசமாக வழங்கப்படும் என குறிப்பிடப்பட்டு இருக்கிறது. இந்தியாவில் ஆப்பிள் மியூசிக் ஒரு மாதத்திற்கான சந்தா ரூ. 99 ஆகும்.
ஆப்பிள் நிறுவனத்தின் ஏர்பாட்ஸ், ஹோம்பாட் மினி மற்றும் தேர்வு செய்யப்பட்ட பீட்ஸ் சாதனங்களை வாங்கும் போது ஆப்பிள் மியூசிக் சந்தா ஆறு மாதத்திற்கு இலவசமாக வழங்கப்படுகிறது. இந்த சலுகையில் எவ்வித மாற்றமும் மேற்கொள்ளப்படவில்லை. டிரையல் வேலிடிட்டி குறைக்கப்பட்டு இருப்பதை ஆப்பிள் அதிகாரப்பூர்வமாக அறிவிக்கவில்லை.
2015-இல் அறிமுகமானது முதல் டிரையல் வேலிடிட்டியில் மாற்றம் செய்யப்பட்டு இருப்பது இதுவே முதல் முறை ஆகும். ஏற்கனவே மூன்று மாதங்களுக்கான இலவச டிரையல் பயன்படுத்துவோர், மூன்று மாத வேலிடிட்டி முடியும் வரை ஆப்பிள் மியூசிக் சேவையை பயன்படுத்தலாம். அந்த வகையில், புதிதாக ஆப்பிள் மியூசிக் சேவையை பயன்படுத்துவோர் மட்டுமே இந்த மாற்றத்தால் பாதிக்கப்பட்டுள்ளனர்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.