லிட்டருக்கு 20 கி.மீ. மைலேஜ் வழங்கும் புது XL6 கார் அறிமுகம்... மாருதி சுசுகி அதிரடி..!
By Kevin Kaarki | First Published Apr 21, 2022, 3:26 PM IST2022 மாருதி சுசுகி XL6 மாடல் வெளிப்புறம் காஸ்மெடிக் மாற்றங்கள், உள்புறம் மற்றும் என்ஜின் என பெருமளவு அப்டேட் செய்யப்பட்டு இருக்கிறது.
மாருதி சுசுகி இந்தியா நிறுவனம் 2022 மாருசி சுசுகி XL6 மாடலை இந்திய சந்தையில் அறிமுகம் செய்தது. புதிய மாருதி சுசுகி XL6 மாடலின் விலை ரூ. 11 லட்சத்து 29 ஆயிரத்தில் துவங்கி டாப் எண்ட் மாடல் விலை ரூ. 14 லட்சத்து 55 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
2022 மாருதி சுசுகி XL6 மாடல் வெளிப்புறம் காஸ்மெடிக் மாற்றங்கள், உள்புறம் மற்றும் என்ஜின் என பெருமளவு அப்டேட் செய்யப்பட்டு இருக்கிறது. 2022 XL6 மாடல் என்ஜினுடன் புது கியர்பாக்ஸ் மற்றும் பேடில் ஷிப்டர்கள் வழங்கப்பட்டு உள்ளன. புதிய மாருதி சுசுகி XL6 பேஸ்லிப்ட் மாடல் எர்டிகா காரின் பிரீமியம் 6 சீட்டர் வேரியண்ட் ஆகும்.
Latest Videos
undefined
விலை விவரங்கள்:
மாருதி சுசுகி XL6 சீட்டா பெட்ரோல் 5MT ரூ. 11 லட்சத்து 29 ஆயிரம்
மாருதி சுசுகி XL6 சீட்டா பெட்ரோல் 6AT ரூ. 12 லட்சத்து 79 ஆயிரம்
மாருதி சுசுகி XL6 ஆல்ஃபா பெட்ரோல் 5MT ரூ. 12 லட்சத்து 29 ஆயிரம்
மாருதி சுசுகி XL6 ஆல்ஃபா பெட்ரோல் 6AT ரூ. 13 லட்சத்து 79 ஆயிரம்
மாருதி சுசுகி XL6 ஆல்ஃபா பிளஸ் பெட்ரோல் 5MT ரூ. 12 லட்சத்து 89 ஆயிரம்
மாருதி சுசுகி XL6 ஆல்ஃபா பிளஸ் பெட்ரோல் 6AT ரூ. 14 லட்சத்து 39 ஆயிரம்
மாருதி சுசுகி XL6 ஆல்ஃபா பிளஸ் டூயல் டோன் பெட்ரோல் 5MT ரூ. 13 லட்சத்து 05 ஆயிரம்
மாருதி சுசுகி XL6 ஆல்ஃபா பிளஸ் டூயல் டோன் பெட்ரோல் 6AT ரூ. 14 லட்சத்து 55 ஆயிரம்
அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.
2022 மாருதி சுசுகி XL6 பேஸ்லிப்ட் மாடடலில் பாதுகாப்பிற்கு 4 ஏர்பேக், எலெக்டிரானிக் ஸ்டேபிலிட்டி ப்ரோகிராம், ஹில் ஹோல்டு அசிஸ்ட், ரிவர்ஸ் பார்கிங் சென்சார்கள், டையர் பிரெஷர் மாணிட்டரிங் சிஸ்டம் உள்ளிட்டவை வழங்கப்பட்டு இருக்கிறது. இந்த மாடலில் புதிய 1.5 லிட்டர் K15C சீரிஸ், டூயல் ஜெட் டூயல் VVT பெட்ரோல் என்ஜின் மற்றும் மாருதி சுசுகி நிறுவனத்தின் ஸ்மார்ட் ஹைப்ரிட் தொழில்நுட்பம் வழங்கப்பட்டு இருக்கிறது.
இந்த என்ஜின் 103 ஹெச்.பி. பவர், 136.8 நியூட்டன் மீட்டர் டார்க் இழுவிசையை வெளிப்படுத்திறது. இத்துடன் புதிய 6 ஸ்பீடு டார்க் கன்வெர்ட்டர் மற்றும் பேடில் ஷிஃப்டர்கள் வழங்கப்பட்டுள்ளன. இந்த காரில் 5 ஸ்பீடு மேனுவல் கியர்பாக்ஸ் ஸ்டாண்டர்டு அம்சமாக வழங்கப்படுகிறது. 2022 மாருதி சுசுகி XL6 மேனுவல் மாடல் லிட்டருக்கு 20.97 கிலோமீட்டர் மைலேஜ், ஆட்டோமேடிக் வெர்ஷன் லிட்டருக்கு 20.27 கிலோமீட்டர் வரை மைலேஜ் வழங்குகிறது.
சேனலை கிளிக் செய்து பின்தொடரவும்