அப்பல்லோவில் தற்போதைய திக் திக் நிமிடங்கள்.......!!

தமிழக முதல்வர் ஜெயலலிதாவுக்கு திடீர் மாரடைப்பு ஏற்பட்டதை தொடர்ந்து அங்கு நடந்த திக்… திக்..நிமிடங்கள்….

மாலை 4.30 மணி : அப்பல்லோ மருத்துவமனையில் இரண்டாவது வளாகம் பரபரப்படைந்தது

மாலை 5 மணி: முதல்வர் ஜெயலலிதாவிற்கு திடீர் மாரடைப்பு ஏற்பட்டதாக தகவல் பரவியது

மாலை 5.30 மணி : சென்னையில் இருந்த மூத்த அமைச்சர்கள், உயரதிகாரிகள் அப்பல்லோவிற்கு விரைந்தனர்.

மாலை 6 மணி : அப்பல்லோ மருத்துவமனை முன்பு அசாதாரணமான சூழ்நிலை நிலவியது. ராகுகால பூஜை துர்க்கைக்கு செய்ய சொல்லி அதிமுக நிர்வாகிகளுக்கு உத்தரவிடப்பட்டது.

இரவு 7 மணி: தமிழக காவல்நிலையங்களுக்கு சூழ்நிலைக்கு ஏற்ப நடந்து கொள்ளுமாறு அப்பல்லோவில் இருந்து உத்தரவு பறந்தது

இரவு 8 மணி : அதிமுக தொண்டர்கள் அப்பல்லோ நோக்கி வரத் தொடங்கினர்

இரவு 9.15 மணி: அப்பல்லோ அறிக்கை வெளியானது. முதல்வர் ஜெயலலிதாவுக்கு மாரடைப்பு ஏற்பட்டுள்ளதாகவும, தொடர் சிகிச்சை அளிக்கப்படுவதாக அறிக்கை.

இரவு 9.30 மணி : மும்பையில் இருந்து ஆளுநர் வித்யாசாகர் ராவ் சென்னைக்கு வர உள்ளதாக தகவல் வெளியானது

இரவு 9.45 மணி அப்பல்லோவில் நடப்பது பற்றி உள்துறை அமைச்சா ராஜ்நாத் சிங் கேட்டறிந்தார்

இரவு 10 மணி : அப்பல்லோவில் அமைச்சர்கள், காவல்துறை உயரதிகாரிகள் அவசர கூட்டம் நடத்தினர்.

இரவு 10.15 மணி : அதிமுக தொண்டர்கள் கூட்டம் அதிகரிக்கவே, ஏராளமான போலீசார் குவிக்கப்பட்டனர். பிரதமர் மோடி சென்னையில் நடக்கும் நிலவரம் குறித்து கேட்டறிந்ததாக தகவல் வெளியானது.

இரவு 11.00 மணி : போலீஸ் டி.ஜி.பி. ராஜேந்திரன்தலைமையில் உயர் அதிகாரிகளுடன் முக்கிய ஆலோசனை.

இரவு 11.30 மணி: ஆளுநர் வித்தியாசாகர் ராவ் சென்னை விமானநிலையம் வந்து இறங்கினார்.

இரவு 12.05 மணி: அப்பல்லோ மருத்துவமனைக்கு ஆளுநர் வித்தியாசாகர் ராவ், வருகை. மருத்தவமனையில் 10 நிமிடங்கள் இருந்து, மருத்துவர்களிடம் சிகிச்சை குறித்து கேட்டறிந்தார்.

இரவு 12.15 மணி: ஆளுநர் வித்தியாசாகர் ராவ், ஆளுநர் மாளிகைக்கு புறப்பட்டுச் சென்றார்.

இரவு 12.30 மணி: மாநிலத்தில் உள்ள அனைத்து போலீசாரும் சீருடையுடன் ஆணையர்கள், கண்காணிப்பாளர்கள் முன் இன்று காலை 7 மணிக்கு ஆஜராக உத்தரவு

இரவு 1.00 மணி: அப்பல்லோ மருத்துவமனையின் 4 வாயில்களிலும் போலீசார் குவிப்பு