கூட்டணிக்கு 'எண்ட் கார்டு'.! தனித்து வேட்டை ஆடத் தயாராகும் தவெக!

தமிழக சட்டமன்றத் தேர்தல் நெருங்கும் வேளையில், தவெக தலைவர் விஜய் மாமல்லபுரத்தில் நடைபெற்ற இப்தார் நிகழ்வில் அதிரடி அறிவிப்புகளை வெளியிட்டார். தன் மீது சுமத்தப்படும் வதந்திகளுக்கு முற்றுப்புள்ளி வைத்த அவர், "நான் எந்த டீமும் கிடையாது, மக்களோட டீம்" என முழங்கினார். கூட்டணி குறித்த வதந்திகளைத் திட்டவட்டமாக மறுத்த விஜய், தவெக தலைமையில் தான் ஆட்சி என்பதில் உறுதியாக இருப்பதாகத் தெரிவித்தார். மதச்சார்பின்மை மற்றும் சமூக நீதி கொள்கைகளில் எவ்வித சமரசமும் கிடையாது என்றும், இலக்கை அடைய யாருடனும் சமரசம் செய்துகொள்ளப் போவதில்லை என்றும் தெளிவுபடுத்தினார்.