☰
கால்பந்து போட்டியையொட்டி சென்னையில் நாளை போக்குவரத்து மாற்றம் செய்யப்பட்டுள்ளது. இது தொடர்பான முழு விவரங்களை பார்க்கலாம்.
Traffic changes in Chennai: சென்னை ஜவஹர்லால் நேரு வெளிப்புற மைதானத்தில் நாளை (மார்ச் 29) இரவு 7 மணிக்கு பிரேசில் லெஜண்ட்ஸ் vs இந்தியா லெஜண்ட்ஸ் அணிகள் இடையிலான கால்பந்து போட்டி நடைபெறுகிறது. இந்த போட்டியை பார்க்க 2,000 பார்வையாளர்கள் வருகை தருவார்கள் எதிர்பார்க்கப்படுகிறது. இதனால் சென்னையில் நாளை மாலை 3 மணி முதல் இரவு 11 வரை சென்னையில் போக்குவரத்து மாற்றம் செய்யப்பட்டுள்ளது.
சென்னையில் போக்குவரத்து மாற்றம்
இது தொடர்பாக சென்னை பெருநகர போக்குவரத்து காவல் வெளியிட்ட அறிவிப்பில் கூறப்பட்டுள்ளதாவது:- வாகன நிறுத்துமிடத்திற்கான இடம் குறைவாக இருப்பதால் பார்வையாளர்கள் பொது போக்குவரத்துகளான சென்னை சென்ட்ரல் மெட்ரோ நிலையம், புறநகர் ரயில்கள் மற்றும் மாநகர போக்குவரத்தை பயன்படுத்தி அங்கிருந்து 200 மீட்டர் தொலைவில் விளையாட்டு மைதானத்தை நடந்து அடையலாம்.
பார்வையாளர்கள் எந்த வழியாக செல்ல வேண்டும்?
விபி பார்க் சாலை (விக்டோரியா ஹால் சாலை) வழியாக சென்று மைதானத்தின் பின்புற நுழைவு வழியாக மைதானத்தை அடையலாம். பார்வையாளர்கள் இராஜா முத்தையா சாலையைப் பயன்படுத்துவதைத் தவிர்க்கவேண்டும். சென்ட்டில் ரயில் நிலைய மார்க்கமாக கார்களில், பைக்குகளில் வரும் பார்வையாளர்கள் பார்க் சாலையில் (விக்டோரியா ஹால் சாலை) வலதுபுறும் திரும்பி, மைதானத்தின் பின்புறம் வழியாக வாகன நிறுத்துமிடமனை "பி"மைதானம் மற்றும் "சி" மைதானத்தில் வனங்களை நிறுத்தி அங்கிருந்து விளையாட்டு மைதானத்தை அடையலாம்.
ராஜா முத்தையா சாலையில் பேருந்துகளுக்கு தடை
ராஜா முத்தையா சாலையில் மாநகர பேருத்துகள் இயக்க தடைவிதிக்கப்படும். அதற்கு பதிலாக அந்த வாகனங்கள் ஈவிஆர் சாலை ஈவிகே சம்பத் சாலை டவுட்டன், நாராயண குரு சாலை, சூளை நெடுஞ்சாலை மற்றும் டெமெல்லஸ் சாலை வழியாக சென்று தங்கள் இலக்கை அடையலாம். எழும்பூர் இரயில் நிலைய மார்க்கமாக வாகனங்களில் வரும் பார்வையாளர்கள் நேராக சென்ட்ரல் ரயில் நிலையத்தை நோக்கிச் சென்று பார்க் (விக்டோரியா ஹால் சாவை) இடதுபுறம் திரும்பி மைதானத்தின் பின்புற வழியாக நிறுத்துமிடமான பி. மைதானம் மற்றும் சி மைதானத்தில் வாகனங்களை நிறுத்தி அங்கிருந்து விளையட்டு மைதானத்தை அடையலாம்
நேரு ஸ்டேடியம் நோக்கி செல்ல அனுமதி இல்லை
அதிக போக்குவரத்து நெரிசல் ஏற்படும் போது சூளை ரவுண்டானாவிலிருந்து நேரு விளையாட்டு மைதானம் நோக்கி வாகனங்கள் செல்ல தடை விதிக்கப்படும். அதற்கு பதிலாக அவர்கள் தங்கள் இலக்கை அடைய சூளை நெடுஞ்சாலை, ஈவிகே சம்பத் சாலை, ஈ.வி.ஆர் சாலை வழியாக திருப்பி விடப்படுவார்கள். மேலும் அதிக போக்குவரத்து நெரிசலின் போது ஜெர்மியா சாலை, வேப்பேரி நெடுஞ்சாலை (வேப்பேரி காவல் நிலையம்) சந்திப்பிலிருந்து நேரு ஸ்டேடியம் நோக்கி செல்ல வாகனங்களுக்கு அனுமதி இல்லை.
சொந்த வாகனங்கள் மற்றும் வாடகை வாகனங்களில் போட்டியை பார்வையிட வரும் பார்வையாளர் கீழே குறிப்பிட்டுள்ள இடங்களில் தங்கள் வாகனங்களை நிறுத்துமாறு அறிவுறுத்தப்படுகிறது
B-Ground Stadium Park Road
(Victoria Hall Road)
C-Ground Stadium Park Road (Victoria Hall Road)
Kannappur Thidal (New Elephant Gate Bridge)
KP Corporation Ground (Basin Beldge
Ripon Building (EVR Salal)
Rond)
Vetenary Hospital (Vepery High Road)
சேனலை கிளிக் செய்து பின்தொடரவும்