Tamil Maalina Congress Candidate : வருகின்ற மக்களவைத் தேர்தலில் தமிழ் மாநில காங்கிரஸ் சார்பாக தூத்துக்குடி தொகுதியில் விஜய்சீலன் போட்டியிடுவார் என்று அறிவிக்கப்பட்டுள்ளது.
மக்களவைத் தேர்தலுக்கான நாள் நெருங்கி வரும் நிலையில் அனைத்து கட்சிகளும் தங்களுடைய வேட்பாளர்கள் குறித்த பட்டியலை தொடர்ச்சியாக அறிவித்து வருகின்றனர். குறிப்பாக கோவையில் பாஜக சார்பில் தமிழக மாநில பாஜக தலைவர் அண்ணாமலை போட்டியிடுவார் என்று அண்மையில் அறிவிக்கப்பட்டது.
இந்நிலையில் இந்த மக்களவைத் தேர்தலில் பாஜகவின் கூட்டணியில் தமிழ் மாநில காங்கிரஸ் கட்சிக்கு தூத்துக்குடி, ஸ்ரீபெரும்புதூர் மற்றும் ஈரோடு ஆகிய தொகுதிகள் ஒதுக்கப்பட்டுள்ளன. இந்நிலையில் ஸ்ரீபெரும்புதூர் பகுதியில் வேணுகோபால் போட்டியிடுவார் என்று அறிவிக்கப்பட்டது. அதேபோல ஈரோட்டில் விஜயகுமார் தமிழ் மாநில காங்கிரஸ் சார்பாக போட்டியிடுவார் என்று அறிவிக்கப்பட்டது.
ஆனால் தூத்துக்குடியில் யார் போட்டியிட போகிறார்கள் என்ற கேள்வி இருந்து வந்த நிலையில், தற்போது தூத்துக்குடியில் தமிழ் மாநில காங்கிரஸ் சார்பாக விஜய்சீலன் போட்டியிடுவார் என்று அறிவிக்கப்பட்டிருக்கிறது. அவர் தூத்துக்குடி தமிழ் மாநில காங்கிரஸின் தெற்கு மாவட்ட தலைவராக பொறுப்பு வகித்து வருகின்றார்.
தமாகா கோரிக்கை விடுத்ததை அடுத்து, தேர்தல் ஆணையம் அக்கட்சிக்கு சைக்கிள் சின்னம் கொடுத்துள்ளதும் குறிப்பிடத்தக்கது.