"விஸ்வரூபம் 2" பட தொழில்நுட்ப கலைஞர்களுக்கு கமல் நன்றி!  

Kamal thanks to technical artists of Viswaroobam 2!

நடிகர் கமல் திரைக்கதை எழுதி இயக்கியுள்ள விஸ்வரூபம் 2 படத்தின் ஒலி வடிவமைப்பு பணிகளில் ஈடுபட்ட கலைஞர்களுக்கு நன்றி தெரிவித்து டுவிட்டர் பக்கத்தில் பதிவொன்றை வெளியிட்டுள்ளார்.

அண்மை காலமாக நடிகர் கமல் ஹாசன், அரசியல் விமர்சனங்களை டுவிட்டரில் பதிவிட்டு வந்தார். இதனால் கமலுக்கு எதிர் கருத்துக்களும், ஆதரவு கருத்துகளும் எழுந்தன. 

இந்த நிலையில் விஸ்வரூபம் 2 படத்தின் இறுதி கட்டப் பணிகளில் கமல் தீவிர கவனம் செலுத்தி வருகிறார். இதற்காக அமெரிக்கா சென்றிருந்த கமல், ரஜினி பிறந்த நாளுக்கும் அங்கிருந்தபடியே தனது வாழ்த்துக்களைத் தெரிவித்திருந்தார். 

விஸ்வரூபம் 2 மற்றும் சபாஸ் நாயுடு பட வேலைகளில் மூழ்கி இருந்தார் கமல். இந்த இரு படங்களுக்குப் பிறகு, அவர் தீவிர அரசியலில் ஈடுபட உள்ளதாகவும் செய்திகள் வெளியாகின.

இந்த நிலையில், விஸ்வரூபம் 2 படத்தின் ஒலி வடிவமைப்பு பணிகள் முடிவடைந்துள்ளது. இதற்காக பணியாற்றிய கலைஞர்களுக்கு நன்றி தெரிவித்து டுவிட்டர் பக்கத்தில் கமல் பதிவிட்டுள்ளார். அதுமட்டுமல்லாமல், மறைந்த தனது சகோதரர் சந்திர ஹாசனையும் அவர் நினைவு கூர்ந்து பதிவிட்டுள்ளார். விஸ்வரூபம் 2 திரைப்படம் அடுத்த ஆண்டு வெளியாகும் என எதிர்பார்க்கப்படுகிறது.