மேகதாது - காவேரி விவகாரம்: பெங்களூருவில் வாகனங்களை நிறுத்த முயன்ற கன்னட போராட்டக்காரர்கள் கைது!

காாவேரி நீர் பங்கீடு மற்றும் மேகதாது அணை திட்டத்தை உடனடியாக அமல்படுத்தக் கோரி, வாட்டாள் நாகராஜ் தலைமையிலான கன்னட ஒக்கூட்டா சார்பில் மாநில தழுவிய 'கர்நாடகா பந்த்' (strike) நடத்தப்பட்டது. இந்தப் போராட்டத்தின் போது, பெங்களூருவில் ஓடும் வாகனங்களை மறித்து போக்குவரத்தைத் தடுக்க முயன்ற கன்னட அமைப்பைச் சேர்ந்த ஆதரவாளர்களை காவல்துறையினர் அதிரடியாகக் கைது செய்து தடுப்புக் காவலில் வைத்தனர். இந்த பந்த் போராட்டத்தின் போது தமிழ்நாட்டின் தலையீட்டிற்கு எதிராகவும், மேகதாது திட்டத்தை கர்நாடக அரசு விரைவாக நிறைவேற்ற வலியுறுத்தியும் கோஷங்கள் எழுப்பப்பட்டன. மேலும், மகதாயி நதி நீர் விவகாரம் மற்றும் உள்ளூர் வேலைவாய்ப்பில் கன்னடர்களுக்கு முன்னுரிமை உள்ளிட்ட பல கோரிக்கைகளும் இந்த போராட்டத்தின் போது முன்வைக்கப்பட்டன.