Tamil News Live Updates: கேப்டன் விஜயகாந்த் மறைவு.. கண்ணீரில் தேமுதிக தொண்டர்கள்..!

சென்னை மெரினா கடற்கரையில் கேப்டன் விஜயகாந்த்-துக்கு இடம் ஒதுக்கீடு செய்யக்கோரி அவரது ரசிகர்கள் அரசுக்கு கோரிக்கை முன்வைத்து உள்ளனர்.

விஜயகாந்துக்கு முதல்வர் மு.க.ஸ்டாலின் இரங்கல்!!

கலையுலகம் - அரசியல், இரண்டிலும் மாபெரும் ஆளுமையாகத் திகழ்ந்த கேப்டன் விஜயகாந்த் அவர்களின் பணிகள் காலத்தால் அழியாதவை என எக்ஸ் தளத்தில் பதிவிட்டு விஜயகாந்த் மறைவுக்கு உதயநிதி ஸ்டாலின் இரங்கல் தெரிவித்துள்ளார்.

விஜயகாந்த் மரணமடைந்த நிலையில் அவரின் உடலைப் பார்த்து அவரது மகன்கள் கதறி அழுத புகைப்படம் காண்போரை கலங்கச் செய்துள்ளது.

தமிழ் சினிமாவில் சுமார் 25 ஆண்டுகளுக்கு மேல் வெற்றிநாயகனாக வலம் வந்த விஜயகாந்த் நடிப்பில் வெளியாகி அதிக நாட்கள் ஓடிய திரைப்படங்களின் பட்டியலை பார்க்கலாம்.

வாகன போக்குவரத்து மாற்றம்!!

தேமுதிக-வின் நிறுவனத் தலைவரும், முன்னாள் எதிர்க்கட்சித் தலைவரும், தமிழ் திரையுலகிலும், அரசியலிலும் பெரும்  ஆளுமையான, கேப்டன் திரு.விஜயகாந்த் அவர்கள் உடல்நலக்குறைவு காரணமாக காலமானார் என்ற செய்தி மிகுந்த மனவேதனை அளிக்கிறது. பொதுவாழ்விலும், கலைத்துறையிலும் செயற்கரிய பல செயல்கள் செய்துள்ளவர், தமிழக மக்கள் அனைவராலும் அன்போடு கேப்டன் என்று அழைக்கப்பட்டவர். அவரை இழந்துவாடும், குடும்பத்தினர், தேமுதிக தொண்டர்களுக்கும் மற்றும் அவரது ரசிகர்களுக்கும் எனது ஆழ்ந்த இரங்கலையும் வருத்தங்களையும் தெரிவித்துக் கொள்கிறேன். அன்னாரது ஆன்மா சாந்தியடைய எல்லாம் வல்ல இறைவனை வேண்டிக்கொள்கிறேன் என மத்திய இணை அமைச்சர் எல்.முருகன் கூறியுள்ளார். 

தான் நடிக்கும் படப்பிடிப்பு தளமானாலும், தமது அலுவலகமானாலும் பசியோடு யாரும் இருந்திடக்கூடாது என்று தம்மை நாடி வந்த மக்கள் அனைவருக்கும் பசியாற உணவளித்த மனிதநேயவாதி விஜயகாந்த் என சீமான் கூறியுள்ளார். 

கோயம்பேட்டில் வாகன போக்குவரத்து மாற்றம் செய்யப்பட்டுள்ளது.

அன்புச் சகோதரர் விஜயகாந்த் அவர்களை இழந்து வாடும் அவரது மனைவி அன்புச் சகோதரி திருமதி பிரேமலதா விஜயகாந்த் அவர்களுக்கும், அவர்தம் குடும்பத்திற்கும், திரைப்பட ரசிகர்களுக்கும், தேசிய முற்போக்கு திராவிடக் கழகத் தொண்டர்களுக்கும் எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன். அன்னாரது ஆன்மா இறைவன் திருவடி நிழலில் இளைப்பாற எல்லாம்வல்ல இறைவனைப் பிரார்த்திக்கிறேன் என ஓபிஎஸ் கூறியுள்ளார். 

எனது அன்பு நண்பர், மனிதநேயமிக்க சிறந்த மனிதர், சிறந்த கலைஞர், ஏழை எளிய மக்களின் நலனுக்காக தன்னை என்றும் அர்ப்பணித்தவர், நமது கேப்டன் விஜயகாந்த் அவர்கள் காலமானார் என்ற செய்தி கேட்டு நான் மிகுந்த அதிர்ச்சியும், மன வேதனையும் அடைந்தேன். அவரது குடும்பத்தினருக்கும், தொண்டர்களுக்கும் எனது ஆழ்ந்த இரங்கலைத் தெரிவிப்பதுடன் அன்னாரது ஆன்மா இறைவன் திருவடி சேர எல்லாம் வல்ல இறைவனை வேண்டுகிறேன். ஓம் சாந்தி என ஜார்கண்ட் ஆளுநர் சி.பி.ராதாகிருஷ்ணன் கூறியுள்ளார். 
 

விஜயகாந்த் மறைவுக்கு தமிழக பாஜக பொறுப்பாளர் சுதாகர் ரெட்டி இரங்கல் தெரிவித்துள்ளார்.

தேமுதிக தலைவரும், தமிழ் திரையுலகில் மூத்த நடிகருமான விஜயகாந்த் அவர்களின் மறைவு குறித்து அறிந்து மிகுந்த வருத்தம் அடைந்தேன். கேப்டன் என்று அன்புடன் அழைக்கப்படும் விஜயகாந்த் அவர்கள் தனது திரை மற்றும் ஆஃப்ஸ்கிரீன் பாத்திரங்கள் மூலம் மக்களிடையே தேசபக்தியை தூண்டினார். அவரது குடும்பத்தினருக்கும், ரசிகர்களுக்கும் எனது ஆழ்ந்த அனுதாபங்கள். ஓம் ஷாந்தி ஷாந்தி என மத்திய அமைச்சர் அமித்ஷா இரங்கல் தெரிவித்துள்ளார். 

விஜயகாந்துக்கு அமைச்சர் பி.டி.ஆர்.பழனிவேல் தியாக ராஜன் இரங்கல்.

தென்தமிழகத்தில் பிறந்து, தென்னிந்தியத் திரையுலகையே கட்டியாண்ட பெருமைக்குரியவர் விஜயகாந்த் அவரது மறைவு மிகுந்த மனவேதனை அளிக்கிறது என அண்ணாமலை கூறியுள்ளார். 

தேமுதிக தலைவர் விஜயகாந்த் உடல் பொதுமக்கள் அஞ்சலிக்காக தேமுதிக தலைமை அலுவலகத்தில் வைக்கப்பட்டுள்ளது. அவரது உடலுக்கு அஞ்சலி செலுத்துவதற்கான பல்வேறு மாவட்டங்களில் இருந்து தொண்டர்கள் குவிந்த வண்ணம் உள்ளனர். இதுதொடர்பாக நேரடி காட்சிகள்.https://fb.watch/pcQRmAgTFY/

விஜயகாந்த் மறைவுக்கு நடிகர் சிவகுமார் இரங்கல்.

Rajinikanth Rushing to Chennai : சூப்பர் ஸ்டார் ரஜினிகாந்த அவர்கள் வேட்டையன் படப்பிடிப்பை ரத்து செய்துவிட்டு தற்போது சென்னை புறப்பட்டுள்ளதாக தகவல் வெளியாகியுள்ளது.

தேமுதிக தலைவர் விஜயகாந்த் உடல்நலக்குறைவு காரணமாக காலமானார் என்ற செய்தியறிந்து மனவேதனை அடைந்தேன் என பிரதமர் மோடி கூறியுள்ளார். 

தேமுதிக நிறுவனர் விஜயகாந்த் அவர்கள் மறைவெய்திய செய்தி மிகுந்த வருத்தமளிக்கிறது. எளிமை குறையாத மனிதராக, மக்கள் நலனுக்காகப் பொதுவாழ்வில் துணிச்சலாகச் செயலாற்றியவர். தலைவர் கலைஞரிடமும் எனது அம்மாவிடமும் அன்பு பாராட்டி,  எங்களின் நலன் விரும்பியாக இருந்த அவரது மறைவு தமிழ்நாட்டு அரசியலுக்கு மட்டுமன்றி எனக்கும் பேரிழப்பாகும் என கனிமொழி கூறியுள்ளார்.  

விஜயகாந்த் உயிர் இன்று காலை 6.10 மணியளவில் பிரிந்ததாகவும், நாளை மாலை 4.30 மணிக்கு தேமுதிக கட்சி அலுவலகத்தில் நல்லடக்கம் செய்யப்பட உள்ளது அதிகாரப்பூர்வமாக அறிவிக்கப்பட்டுள்ளது. 

விஜயகாந்த் பிறப்பு முதல் இறப்பு வரை வாழ்க்கை வரலாறு!!

விஜயகாந்த் உடலுக்கு முதல்வர் மு.க.ஸ்டாலின் மரியாதை செலுத்தினார். விஜயகாந்த் மனைவி பிரேமலதா விஜயகாந்துக்கு ஆறுதல் தெரிவித்தார்.

கேப்டன் விஜயகாந்த் உடல்நலக்குறைவால் மரணமடைந்த நிலையில், அவரின் இறுதிச்சடங்கு நாளை முழு அரசு மரியாதை உடன் நடைபெறும் என தகவல்கள் தெரிவிக்கின்றன. இதனால் இன்றும், நாளையும் தொண்டர்கள் அஞ்சலிக்காக விஜயகாந்த் உடல் வைக்கப்பட உள்ளது.

மதிப்பிற்குரிய கேப்டன் விஜயகாந்த் அவர்களின் மறைவுக்கு எனது ஆழ்ந்த இரங்கல்கள் என மத்திய நிதியமைச்சர் நிர்மலா சீதாராமன் கூறியுள்ளார். அவரை இழந்துவாடும், அவரது ரசிகர்களுக்கும், தேமுதிக தொண்டர்களுக்கும் எனது ஆழ்ந்த இரங்கலை தெரிவித்துக் கொள்கிறேன் என கூறியுள்ளார். 

சென்னை கோயம்பேட்டில் உள்ள தேமுதிக அலுவலகம் கொண்டு செல்லப்படும் விஜயகாந்தின் உடல். இன்றும், நாளையும் அவரது உடல் பொதுமக்கள், கட்சியினர் மரியாதைக்காக வைக்கப்பட உள்ளது. நாளை இறுதிச்சடங்கு நடக்க இருப்பதாக தகவல் வெளியாகியுள்ளது.

தேமுதிக தலைவர் விஜயகாந்தின் உடலுக்கு முழு அரசு மரியாதையுடன் அஞ்சலி செலுத்தப்படும் என முதலமைச்சர் மு.க.ஸ்டாலின் அறிவிப்பை வெளியிட்டுள்ளார். 

தேமுதிக தலைவர் விஜயகாந்த் மறைவுக்கு பிரதமர் மோடி இரங்கல் தெரிவித்துள்ளார். விஜய்காந்த் உடல்நலக்குறைவு காரணமாக காலமானார் என்ற செய்தியறிந்து மனவேதனை அடைந்தேன். தமிழ் திரையுலகின் ஜாம்பவான், அவரது நடிப்பு கோடி கணக்கான இதயங்களைக் கவர்ந்தவர் என தெரிவித்துள்ளார். 

விஜயகாந்த் உயிரிழந்த நிலையில், அவரது உடலை பார்த்து அவரது மனைவி தேம்பி தேம்பி அழுத காட்சிகள் ரசிகர்களை கலங்க செய்துள்ளது.

தேமுதிக தலைவர் விஜயகாந்தின் உடலுக்கு முழு அரசு மரியாதையுடன் அஞ்சலி செலுத்தப்படும் என முதலமைச்சர் மு.க.ஸ்டாலின் அறிவிப்பை வெளியிட்டுள்ளார்.