12ம் வகுப்பு பொதுத்தேர்வுக்கான ஹால் டிக்கெட்… நாளை வெளியிடப்படுவதாக தகவல்!!

12 ஆம் வகுப்பு பொதுத்தேர்வுக்கான ஹால் டிக்கெட் நாளை வெளியிடப்பட உள்ளதாக தகவல் வெளியாகியுள்ளது. 2022- 23 கல்வியாண்டிற்கான பொது தேர்வு அட்டவணைகளை கடந்த ஆண்டு நவம்பர் மாதம் தமிழக பள்ளிகல்வித் துறை அமைச்சர் அன்பில் மகேஷ் பொய்யாமொழி வெளியிட்டார். அதன்படி, 12 ஆம் வகுப்பு பொதுத் தேர்வு மார்ச் 13 முதல் ஏப்ரல் 3 வரை நடைபெறும் என்றும் 11 ஆம் வகுப்பு பொதுத் தேர்வு மார்ச் 14 முதல் ஏப்ரல் 5 வரை நடைபெறும் என்றும், 10 ஆஆம் வகுப்பு பொதுத் தேர்வு ஏப்ரல் 6 முதல் ஏப்ரல் 20 வரை நடைபெறும் என்றும் தெரிவிக்கப்பட்டது.

இதையும் படிங்க: அண்ணா பல்கலைக்கழகத்தில் வேலைவாய்ப்பு... விண்ணப்பிப்பது எப்படி? முழு விவரம் உள்ளே!!

இதை அடுத்து நடப்பாண்டுக்கான, 12 ஆம் வகுப்பு பொது தேர்வை சுமார் 8 லட்சம் மாணவர்கள் எழுத உள்ளனர். அடுத்த மாதம் மாணவர்களுக்கு செய்முறை தேர்வும் நடைபெற உள்ளது. இதனிடையே 12 ஆம் வகுப்பு பொதுத்தேர்வுக்கான ஹால் டிக்கெட் நாளை வெளியிடப்பட உள்ளதாக தகவல் வெளியாகியுள்ளது.

இதையும் படிங்க: ஆதார் வேறு.. மக்கள் ஐ.டி வேறு.! மக்கள் ஐ.டி பற்றி விளக்கமளித்த அமைச்சர் மனோ தங்கராஜ்

நாளை பிற்பகல் 2 மணி முதல் தேர்வுத் துறை இணையதளத்தில் இருந்து மாணவர்களின் ஹால் டிக்கெட்டுகளை அனைத்து பள்ளிகளும் பதிவிறக்கம் செய்து கொள்ளலாம் என்று அறிவிக்கப்பட்டுள்ளது. நடப்பாண்டில், 12ம் வகுப்பு பொது தேர்வை 8 லட்சம் பேர் எழுதவுள்ளனர். பள்ளிகள் பதிவிறக்கம் செய்த பின் மாணவர்களுக்கு தேர்வுக்கு முன் வழங்கப்படும் என்றும் தெரிவிக்கப்பட்டுள்ளது.