இந்திய வீரர்களின் அடுத்தடுத்த சாதனை..! ரிக்கி பாண்டிங்கை தூக்கி அடித்த கோலி..!

virat kohli new record as captain

ஒரு ஆண்டில் அதிக சதங்கள் அடித்த கேப்டன் என்ற புதிய சாதனையை விராட் கோலி படைத்துள்ளார்.

இந்தியா-இலங்கை அணிகளுக்கு இடையேயான இரண்டாவது டெஸ்ட் போட்டி நாக்பூரில் நடந்துவருகிறது. போட்டியின் மூன்றாவது நாளான இன்று விராட் கோலி சதமடித்தார். நேற்று முரளி விஜயின் அவுட்டானதும் களமிறங்கிய கோலி, இறங்கியது முதலே அதிரடியாக ஆட ஆரம்பித்தார். அதிரடியாக ஆடிய கோலி, டெஸ்ட் போட்டியில் தனது 19வது சதத்தை பூர்த்தி செய்தார்.

இந்த சதம் கோலியின் சாதனை சதமாகவும் அமைந்தது. இந்த ஆண்டில் கோலி, அடிக்கும் 10வது சதம் இதுவாகும். இதன் மூலம் ஒரு ஆண்டில் அதிகமான சதங்கள் அடித்த கேப்டன் என்ற சாதனையை கோலி படைத்துள்ளார்.

இதற்கு முன்னதாக 9 சதங்களுடன் ரிக்கி பாண்டிங் முதலிடத்தில் இருந்தார்.

தற்போது ரிக்கி பாண்டிங்கின் சாதனையை கோலி முறியடித்துள்ளார். இன்று ஆடியதன் மூலம், தொடர்ச்சியாக 8 நாட்கள் ஆடி புஜாரா சாதனை படைத்துள்ளார்.

தொடர்ந்து சிறப்பாக ஆடிவரும் கோலி, இரட்டை சதத்தை நோக்கி ஆடிக்கொண்டிருக்கிறார். 493 ரன்கள் எடுத்துள்ள இந்திய அணி, இலங்கையைவிட 288 ரன்கள் முன்னிலையில் உள்ளது.