விஜய் ஹஸாரே கோப்பை: தமிழகம் - குஜராத் இன்று மோதல்...

Vijay Hazare Trophy Tamilnadu - Gujarat Today Confrontation

விஜய் ஹஸாரே கோப்பை கிரிக்கெட் போட்டியில் தமிழகம் தனது முதல் ஆட்டத்தில் குஜராத்தை இன்று எதிர்கொள்கிறது.

விஜய் ஹஸாரே கோப்பை கிரிக்கெட் போட்டி சென்னையில் நடைபெறுகிறது. இந்த ஆட்டத்தில், ஆல்ரௌண்டர் விஜய் சங்கர் தலைமையிலான தமிழக அணியில் அனுபவம் வாய்ந்த சுழற்பந்துவீச்சாளர் அஸ்வின், பேட்ஸ்மேன் முரளி விஜய் ஆகியோர் இருப்பது பெரும் பலம்.

கடந்த ஐசிசி சாம்பியன்ஸ் டிராபி போட்டிக்குப் பிறகு ஒருநாள் போட்டிகளுக்கான தேசிய அணியில் அஸ்வின் தேர்வு செய்யப்படாததால் தேர்வாளர்களின் கவனத்தை ஈர்க்க அவர் சிறப்பாக விக்கெட்டுகளை சாய்ப்பார். எதிர்வரும் ஐபிஎல் போட்டியில் அவர் கிங்ஸ் லெவன் பஞ்சாப் அணியில் பங்கேற்கிறார் என்பது குறிப்பிடத்தகக்து.

அதேபோல, சென்னை சூப்பர் கிங்ஸ் வீரரான முரளி விஜய் சமீப காலங்களில் ஒருநாள் போட்டிகளில் கலந்து கொள்ளவில்லை. ஐபிஎல் ஆரம்பிக்கும் முன்பாக இந்த ஆட்டத்தில் அவர் தன்னை தயார்படுத்திக் கொள்வார்.

ரஞ்சி கோப்பை போட்டியில் நாக் ஔட் சுற்றுக்கு முன்னேறத் தவறிய தமிழகம், சையது முஷ்டாக் அலி போட்டியில் சூப்பர் லீக் சுற்றில் நீடிக்கத் தவறியது.

எனவே, போதிய திருத்தங்களுடன் இந்தப் போட்டியை தமிழகம் எதிர்கொள்ளும் என்று எதிர்ப்பார்க்கப்படுகிறது.