இந்தியன் ஹாக்கி: ஆண்களுக்கு ஸ்ரீஜேஷ், பெண்களுக்கு ராணி ராம்பால் கேப்டன்களாக நியமனம்... 

The blind teacher arrested for raping the 10th grade student...

இந்திய ஆடவர் ஹாக்கி அணிக்கு ஸ்ரீஜேஷ் மற்றும் மகளிர் ஹாக்கி அணிக்கு  ராணி ராம்பால் ஆகியோர் கேப்டன்களாக 2018-ஆம் ஆண்டு இறுதி வரை நியமிக்கப்பட்டுள்ளனர்.

ஹாக்கி இந்தியா பொதுச் செயலாளர் முகமது முஷ்டாக் அகமது நேற்று செய்தியாளர்களுக்கு பேட்டியளித்தார்.

அதில், "காயம் காரணமாக சில மாதங்களாக ஆடாமல் இருந்த கோல் கீப்பர் ஸ்ரீஜேஷ் தலைமையில் இந்திய அணி கடந்த 2016-ஆம் ஆண்டு சாம்பியன்ஸ் கோப்பை போட்டியில் வெள்ளி வென்றது. ரியோ ஒலிம்பிக் போட்டிகளிலும் அவர் கேப்டனாக தொடர்ந்தார். 

மேலும் ஜூனியர் அணியின் கோல்கீப்பர்களான விகாஸ் தாஹியா, கிருஷண் பதக் ஆகியோருக்கு சிறப்பான பயிற்சி அளித்ததால் கடந்த 2016-இல் ஜூனியர் உலகக் கோப்பையும் இந்தியா வசமானது.

கடந்த 2017-ஆம் ஆண்டு அஸ்லன்ஷா ஹாக்கிப் போட்டியில் ஏற்பட்ட காயம் காரணமாக ஸ்ரீஜேஷ் ஓய்வில் இருந்தார். இந்நிலையில் அவர் மீண்டும் கேப்டனாக நியமிக்கப்பட்டுள்ளார்.

அதே நேரத்தில் ராணி ராம்பால் தலைமையிலான மகளிர் அணி ஆசியக்கோப்பையை வென்றது. 12-ஆம் இடத்தில் இருந்து தற்போது 10-ஆம் இடத்துக்கு முன்னேறி உள்ளது. 

12 ஆண்டுகளில் முதன்முறையாக கோல்ட்கோஸ்ட் காமன்வெல்த் போட்டி அரையிறுதிக்கு இந்தியா முன்னேறியது" என்று அவர் தெரிவித்தார்.