யு-17 உலகக் கோப்பை போட்டியில் முதல் வெற்றியைப் பதிவு செய்தது ஸ்பெயின்…

Spain first victory in the U-17 World Cup

பதினேழு வயதிற்கு உள்பட்டோருக்கான யு-17 உலகக் கோப்பை கால்பந்து போட்டியில் ஸ்பெயின் அணி 4-0 என்ற கோல் கணக்கில் நைஜர் அணியை வீழ்த்தியது.

பதினேழு வயதிற்கு உள்பட்டோருக்கான யு-17 உலகக் கோப்பை கால்பந்து போட்டியின் 'டி' பிரிவில் ஸ்பெயின் - நைஜர் அணிகளுக்கு இடையேயான ஆட்டம் கொச்சியில் நேற்று நடைபெற்றது.

இந்த ஆட்டத்தில் தொடக்கம் முதலே ஸ்பெயின் அசத்தலாக ஆடிய ஸ்பெயின் அணி, ஆட்டத்தின் 21-வது நிமிடத்தில் முதல் கோல் அடித்தது. அந்த அணியின் ஜுவான் மிரான்டா பாஸ் செய்த பந்தை அற்புதமாக கோலாக்கினார் சக வீரர் அபெல் ருய்ஸ்.

நைஜர் தனது முதல் கோலுக்கு தடுமாறி வந்த நிலையில், ஆட்டத்தின் 41-வது நிமிடத்தில் ஸ்பெயின் வீரர் அபெல் ருய்ஸ் மீண்டும் ஒரு கோல் அடித்தார்.

தொடர்ந்து நடைபெற்ற ஆட்டத்தில் ஸ்பெயின் வீரர் சீஸர் ஒரு கோல் அடிக்க, முதல் பாதி ஆட்டநேர முடிவில் ஸ்பெயின் அணி 3-0 என முன்னிலை பெற்றது.

பின்னர் நடைபெற்ற 2-வது பாதி ஆட்டத்திலும் ஸ்பெயின் அணியே ஆதிக்கம் செலுத்தியது. ஆட்டத்தின் 82-வது நிமிடத்தில் மீண்டும் ஒரு கோல் அடித்தது ஸ்பெயின். அந்த கோலை அணியின் செர்ஜியோ கோம்ஸ் அடித்தார்.

இறுதியில் 4-0 என்ற கோல் கணக்கில் ஸ்பெயின் அணி வெற்றி பெற்றது.

இது இந்த உலகக் கோப்பை போட்டியில் ஸ்பெயின் பெறும் முதல் வெற்றியாகும்.