ஓபன் டென்னிஸ் போட்டியில் ரஃபேல் நடால் முன்னேற்றம்; ஜோகோவிச் தோல்வி...

Rafael Nadal improvement in Open tennis tournament Jokovich failure ...

மாட்ரிட் ஓபன் டென்னிஸ் போட்டியில் ஸ்பெயினின் ரஃபேல் நடால் 4-வது சுற்றுக்கு முன்னேறினார். ஆனால், ஜோகோவிச் தனது சுற்றில் தோல்வி அடைந்தார்.

மாட்ரிட் ஓபன் டென்னிஸ் போட்டி ஸ்பெயினில் நடைபெற்று வருகிறது. இதில், ஆடவர் ஒற்றையர் பிரிவு 3-வது சுற்றில் உலகின் முதல் நிலை வீரரான ஸ்பெயினின் ரஃபேல் நடால், பிரான்ஸின் கேல் மான்ஃபில்ஸை எதிர்கொண்டார்.

விறுவிறுப்பாக நடைப்பெற்ற இந்த ஆட்டத்தில் 6-3, 6-1 என்ற செட்களில் கேல் மான்ஃபில்ஸை வீழ்த்தினார் நடால்.

ஆனால், போட்டித் தரவரிசையில் 10-வது இடத்தில் இருந்த செர்பியாவின் நோவக் ஜோகோவிச், 3-6, 6-2, 3-6 என்ற செட்களில் பிரிட்டனின் கைல் எட்மன்டிடம் தோல்வி கண்டார். 

மற்றொரு வீரரான போட்டித் தரவரிசையில் 8-வது இடத்தில் இருக்கும் பெல்ஜியத்தின் டேவிட் காஃபின் 7-5, 6-3 என்ற செட்களில் நெதர்லாந்தின் ராபின் ஹசியை வீழ்த்தினார்.

அதேபோன்று, போட்டித் தரவரிசையில் 6-வது இடத்தில் இருக்கும் தென் ஆப்பிரிக்காவின் கெவின் ஆன்டர்சன் 5-7, 7-(7/3), 6-2 என்ற செட்களில் கஜகஸ்தானின் மிகைல் குகுஷ்கினை வீழ்த்தினார்.