பியோங்சாங் குளிர்கால ஒலிம்பிக்: புதிய உலக சாதனையுடன் தங்கப் பதக்கம் வென்ற ஜெர்மனி ஜோடி...
சுருக்கம்
Pyongyang Winter Olympics German pair of gold medal winning new world record
பியோங்சாங் குளிர்கால ஒலிம்பிக் போட்டியில் ஃபிகர் ஸ்கேட்டிங் பிரிவில் புதிய உலக சாதனையுடன் தங்கப் பதக்கம் வென்று அசத்தியுள்ளது ஜெர்மனியின் மாஸ்ஸாட் புருனோ - சாவ்சென்கோ அல்ஜோனா ஜோடி.
குளிர்கால ஒலிம்பிக் -23 போட்டிகள் தென் கொரியாவின் பியோங்சாங் நகரில் தொடங்கி நடைபெற்று வருகிறது.
இதில் 6-வது நாளாக நேற்று 7 பதக்கப் போட்டிகள் நடைபெற்றன. இதில் ஃபிகர் ஸ்கேட்டிங் போட்டியில் ஜெர்மனியின் புருனோ - அல்ஜோனா ஜோடி மொத்தமாக 235.90 புள்ளிகளுடன் தங்கம் வென்றது. இந்த ஜோடி ஃப்ரீ ஸ்கேட்டிங் பிரிவில் 159.09 புள்ளிகள் வென்று புதிய உலக சாதனை படைத்தது.
இதன்மூலமாக, கடந்த டிசம்பரில் நடைபெற்ற கிராண்ட் ஃப்ரீ ஃபைனல் போட்டியில் 157.25 புள்ளிகளை எட்டி அவர்கள் படைத்த சாதனையை, அவர்களை தகர்த்துள்ளது.
இதனிடையே, சீனாவின் ஹான் காங் - சுய் வென்ஜிங் ஜோடி 235.47 புள்ளிகளில் முதலிடத்தை நழுவவிட்டு வெள்ளியை கைப்பற்றியது.
கனடா ஜோடியான எரிக் ராட்ஃபோர்டு - மீகன் டுஹாமெல் 230.15 புள்ளிகளுடன் 3-ஆம் இடம் பிடித்தது.
கிரிக்கெட் மற்றும் விளையாட்டு உலகின் (Sports News in Tamil) நிமிட நிமிட தமிழ் செய்தி அப்டேட்களுக்காக ஏஷ்யாநெட் தமிழ்-ஐ பின்பற்றுங்கள். IPL லைவ் உட்பட டீம் இந்தியாவின் பிரேக்கிங் நியூஸ் (Cricket News in Tamil), சிறப்பு ரிப்போர்ட்கள் மற்றும் நேரலைகளுடன் முழுமையான தகவல்கள் உங்களுக்கு ஒரே கிளிக்கில் கிடைக்கும். ஏஷ்யாநெட் தமிழ் அதிகாரப்பூர்வ ஆப்பைப் டவுன்லோடு செய்து அனைத்து அப்டேட்களையும் பெறுங்கள்.