இரண்டாவது முறையாக டாக்டர் பட்டம் பெறுகிறார் தடகள் வீராங்கனை பி.டி.உஷா…

PT Usha get doctors degree in second time

பெண் தடகள வீராங்கனையான பி.டி.உஷாவுக்கு ஐஐடி கான்பூர் கௌரவ டாக்டர் பட்டம் வழங்க முடிவெடுத்துள்ளது. இது இவர் பெறும் இரண்டாவது டாக்டர் பட்டமாகும்.

பெண் தடகள வீராங்கனைகளுக்கு முன்மாதிரியாகத் திகழ்ந்தவர் பி.டி.உஷானு.

கேரளாவைச் சேர்ந்த பி.டி.உஷா சர்வதேச அளவில் தடகள போட்டிகளில் பல்வேறு பதக்கங்களை வென்று சாதனை படைத்தவர்.

பல துறைகளில் பெரும் சாதனைகளை நிகழ்த்தி முன்மாதிரியாகத் திகழ்ந்து, அந்தத் துறையின் வளர்ச்சிக்காகப் பங்காற்றியவர்களுக்காக கெளரவ டாக்டர் பட்டம் வழங்குவது வழக்கம்.

அதன்படி, ஐஐடி கான்பூர் தடகள விளையாட்டுகளில் இந்தியாவுக்குப் பெருமை சேர்த்த தங்க மங்கை பி.டி.உஷாவுக்கு கெளரவ டாக்டர் பட்டம் வழங்க முடிவுசெய்துள்ளது.

வரும் 15 மற்றும் 16 ஆம் தேதிகளில் ஐஐடி கான்பூரின் 50-வது பட்டமளிப்பு விழா நடக்கயிருக்கிறது. இதில், குடியரசுத்தலைவர் பிரணாப் முகர்ஜி கலந்து கொண்டு 16-ஆம் தேதி பிடி உஷாவுக்கு கெளரவ டாக்டர் பட்டம் வழங்கயிருப்பதாக கூறப்படுகிறது.

இது இவருக்கு கிடைக்கும் இரண்டாவது டாக்டர் பட்டமாகும். இதற்கு முன்னதாக கடந்த 2002-ஆம் ஆண்டு கன்னூர் பல்கலைக்கழகம் பி.டி.உஷாவுக்கு டாக்டர் பட்டம் வழங்கியது குறிப்பிடத்தக்கது.