ஐஎஸ்எஸ்எஃப் உலகக் கோப்பை: துப்பாக்கிச் சுடுதலில் இந்தியாவின் ஜோடிக்கு தங்கப் பதக்கம்…

ISSF World Cup Gold medal for Indian pair in rifel shooting

ஐ.எஸ்.எஸ்.எஃப் உலகக் கோப்பைத் துப்பாக்கிச் சுடுதல் போட்டியில் இந்தியாவின் ஜிது ராய் - ஹீனா சித்து ஜோடி தங்கப் பதக்கம் வென்றது.

ஐ.எஸ்.எஸ்.எஃப் உலகக் கோப்பைத் துப்பாக்கிச் சுடுதல் போட்டி அஸர்பைஜானின் கேபலா நகரில் நடைபெற்றது.

இந்தப் போட்டியில் 45 நாடுகளைச் சேர்ந்த 430 வீரர், வீராங்கனைகள் பங்கேற்றுள்ளனர்.

இந்தப் போட்டியின் இறுதிச் சுற்றில் இந்தியாவின் ஜிது ராய் - ஹீனா சித்து ஜோடி ரஷியா ஜோடியை 7-6 என்ற புள்ளிகள் கணக்கில் தோற்கடித்தது.

இதனால் இந்தியாவுக்கு தங்கமும், ரஷியாவுக்கு வெள்ளியும் கிடைத்தன. மூன்றாவது இடத்துக்கான ஆட்டத்தில் பிரான்ஸ் அணி வென்றது.

சீனா 3 தங்கம் உள்பட 6 பதக்கங்களுடன் புள்ளிகள் பட்டியலில் முன்னிலையில் உள்ளது.

கலப்பு இரட்டையர் 10 மீ. ஏர் பிஸ்டல் அணி பிரிவில் இந்தியாவின் ஜிது ராய்-ஹீனா சித்து ஜோடி தங்கப் பதக்கம் வென்றது.