பிரீமியர் பாட்மிண்டன் லீக்: இறுதிச்சுற்றில் பெங்களூரை வீழ்த்தி சாம்பியன் பட்டம் வென்றது ஐதராபாத்...

Premier Badminton League Final victory over Bangalore defeat championship wins Hyderabad

பாட்மிண்டன் லீக் (பிபிஎல்) சீசன் - 3 போட்டியில், பெங்களூர் பிளாஸ்டர்ஸ் அணியை வீழ்த்தி சாம்பியன் பட்டம் வென்றது ஐதராபாத் ஹன்டர்ஸ்.

பாட்மிண்டன் லீக் (பிபிஎல்) சீசன் - 3 போட்டியில், கடந்த ஞாயிற்றுக்கிழமை இரவு நடைபெற்ற இறுதிச்சுற்றில் ஐதராபாத் ஹன்டர்ஸ் 4-3 என்ற கணக்கில் பெங்களூர் பிளாஸ்டர்ஸ் அணியை வீழ்த்தி சாம்பியன் பட்டம் வென்றது.

கலப்பு இரட்டையர் பிரிவில், ஐதராபாதின் எம்.கிடோ - ஒய்.ஒய்.சியாங் கூட்டணி, 9-15, 10-15 என்ற செட் கணக்கில் பெங்களூரின் எம்.போ - கே.எஸ்.ரங் கூட்டணியிடம் வீழ்ந்தது.

ஆடவர் ஒற்றையர் பிரிவில் லீ ஹியூன் இல், 15-7, 15-13 என்ற செட் கணக்கில் எதிரணியின் எஸ்.டேயை வீழ்த்தினார். மற்றொரு ஒற்றையர் பிரிவு ஆட்டத்தில், பெங்களூரின் அதிரடி ஆட்டக்காரர் அக்ஸல்சென் 15-8, 15-10 என்ற செட் கணக்கில் பி.எஸ்.பிரணீத்தை வீழ்த்தினார்.

மகளிர் ஒற்றையர் பிரிவில், ஐதராபாத் அணியின் நட்சத்திர வீராங்கனை கரோலினா மரீன் 15-8, 15-14 என்ற நேர் செட் கணக்கில் பெங்களூரின் கில்மாரை வீழ்த்தினார்.

கலப்பு இரட்டையர் பிரிவில், பெங்களூரின் கே.எஸ்.ரங் - சிக்கி ரெட்டி இணை 11-15, 12-15 என்ற நேர் செட் கணக்கில் ஐதராபாத் ரங்கிரெட்டி - பெர்னாடத் இணையிடம் வீழ்ந்தது.

இவ்வாறாக 4-3 என்ற கணக்கில் பெங்களூரை வீழ்த்தி ஐதராபாத் வெற்றி பெற்று சாம்பியன் வென்றது.