அமெரிக்க ஓபன் டென்னிஸ் போட்டியில் வெற்றிப் பெற்று அடுத்த சுற்றுக்கு முன்னேறிய வீரர்கள்…

players who got to next round in US Open tennis tournament

அமெரிக்க ஓபன் டென்னிஸ் போட்டியில் ஸ்பெயினின் கார்பைன் முகுருஸா, ரஷியாவின் மரியா ஷரபோவா ஆகியோர் தங்களது 4-வது சுற்றில் தோல்வியையும் இந்தியாவின் சானியா மிர்சா - சீனாவின் பெங் ஷுவாய் இணை வெற்றியையும் பெற்றனர்.

ஆண்டின் கடைசி கிராண்ட்ஸ்லாம் போட்டியான அமெரிக்க அமெரிக்க ஓபன் டென்னிஸ் போட்டியில், மகளிர் ஒற்றையர் பிரிவு 4-வது சுற்று ஒன்றில் உலகின் 3-ஆம் நிலை வீராங்கனையான கார்பைன் முகுருஸா, போட்டித் தரவரிசையில் 13-வது இடத்தில் இருக்கும் செக். குடியரசின் பெட்ரா கிவிட்டோவாவை எதிர்கொண்டார்.

இந்த ஆட்டத்தின் முடிவில், கிவிட்டோவா 7-6(3), 6-3 என்ற நேர் செட் கணக்கில் முகுருஸாவை வீழ்த்தினார்.

கிவிட்டோவா தனது காலிறுதியில், உலகின் 9-ஆம் நிலை வீராங்கனையான அமெரிக்காவின் வீனஸ் வில்லியம்ஸை எதிர்கொள்கிறார்.

மற்றொரு காலிறுதிக்கு முந்தைய சுற்றில் ரஷியாவின் மரியா ஷரபோவா, லாத்வியாவின் அனஸ்தாஸிஜா செவஸ்டோவாவிடம் மோதினார்.

இதில் , 7-5, 4-6, 2-6 என்ற செட் கணக்கில் அனஸ்தாஸிஜா செவஸ்டோவாவிடம் வீழ்ந்தார் மரியா ஷரபோவா.

அனஸ்தாஸிஜா, தனது காலிறுதியில் அமெரிக்காவின் ஸ்லோன் ஸ்டீபன்ûஸ எதிர்கொள்கிறார்.

இதர 4-வது சுற்றுகளில் அமெரிக்காவின் ஷெல்பி ரோஜர்ûஸ 6-4, 7-5 என்ற செட் கணக்கில் உலகின் 4-ஆம் நிலை வீராங்கனையான உக்ரைனின் எலினா ஸ்விடோலினா வீழ்த்தினார்.

ரஷியாவின் எலினா வெஸ்னினாவை 2-6, 6-4, 6-1 என்ற செட் கணக்கில் அமெரிக்காவின் மேடிசன் கீஸும் வீழ்த்தினார்.

இதனிடையே, ஆடவர் ஒற்றையர் பிரிவில் போட்டித் தரவரிசையில் 12-ஆவது இடத்தில் இருக்கும் ஸ்பெயினின் கரீனோ பஸ்டா தனது 4-வது சுற்றில் கனடாவின் டெனிஸ் ஷபோவெலாவை 7-6(2), 7-6(3), 7-6(4) என்ற செட் கணக்கில் வீழ்த்தினார்.

போட்டித் தரவரிசையில் 17-வது இடத்தில் இருக்கும் அமெரிக்காவின் சாம் கெர்ரி 6-2, 6-2, 6-1 என்ற செட் கணக்கில் ஜெர்மனியின் மிஸ்கா ஸ்வெரேவை தோற்கடித்தார்.

இதர சுற்றுகளில், தென் ஆப்பிரிக்காவின் கெவின் ஆன்டர்சன் 6-4, 6-3, 6-7(7), 6-4 என்ற செட் கணக்கில் இத்தாலியின் பாவ்லோ லாரென்ஸியை வீழ்த்தினார்,

ஆர்ஜென்டீனாவின் டியேகோ ஷ்வார்ட்ஸ்மேன் 7-6(3), 7-5, 2-6, 6-2 என்ற செட் கணக்கில் பிரான்ஸின் லூகாஸ் புய்லேவையும் வீழ்த்தினார்.

அமெரிக்க ஓபன் டென்னிஸ் போட்டியின் மகளிர் இரட்டையர் பிரிவில் இந்தியாவின் சானியா மிர்சா - சீனாவின் பெங் ஷுவாய் இணை தனது 4-வது சுற்றில் 6-2, 3-6, 7-6(2) என்ற செட் கணக்கில் ருமேனியாவின் சொரானா சிர்ஸ்டியா - ஸ்பெயினின் சாரா சொரைப்ஸ் டோர்மோ ஜோடியை வீழ்த்தினார்.

கலப்பு இரட்டையர் பிரிவில் இந்தியாவின் ரோஹன் போபண்ணா - கனடாவின் கேப்ரியேலா டப்ரெளஸ்கி இணை 6-3, 6-4 என்ற செட் கணக்கில் அமெரிக்காவின் நிகோலஸ் மோன்ரோ - ஸ்பெயினின் மரியா ஜோஸ் இணையை தோற்கடித்து காலிறுதிக்கு தகுதி பெற்றது.