norway chess 2022: Praggnanandhaa: நார்வே செஸ்: பிரமாதம்! இந்திய கிராண்ட்மாஸ்டர் பிரக்ஞானந்தா சாம்பியன்

norway chess 2022: Praggnanandhaa:நார்வேயில் நடந்த நார்வே செஸ் குரூப் ஏ ஓபன் செஸ் போட்டித் தொடரில் இந்தியாவின் இளம் கிராண்ட்மாஸ்டரும் தமிழகத்தைச் சேர்ந்த ஆர் பிரக்ஞானந்தா ரமேஷ்பாபு சாம்பியன் பட்டம் வென்றார்.

நார்வேயில் நடந்த நார்வே செஸ் குரூப் ஏ ஓபன் செஸ் போட்டித் தொடரில் இந்தியாவின் இளம் கிராண்ட்மாஸ்டரும் தமிழகத்தைச் சேர்ந்த ஆர் பிரக்ஞானந்தா ரமேஷ்பாபு சாம்பியன் பட்டம் வென்றார்.

9 சுற்றுகள் ஆடிய பிரக்ஞானந்தா 7.5 புள்ளிகள் பெற்று வெற்றியாளராக வலம்வந்தார். 9 சுற்றுக்களிலும் பிரக்ஞானந்தாவை எந்த வீரராலும் தோற்கடிக்க முடியாத வெற்றியாளராகவே இருந்தார். வெள்ளிக்கிழமை நடந்த கடைசிச் சுற்றில் மற்றொரு இந்திய வீரர் வி.பிரணீத்தை வீழ்த்தி பிரக்ஞானந்தா சாம்பியன் பட்டம் வென்றார்.

பிரக்ஞானந்தா 7.5 புள்ளிகளுடன் முதலிடத்தையும், 2-வது இடத்தை இஸ்ரேல் வீரர் ஐஎம் மார்செல் ப்ரோம்ஸ்கி, 3-வது இடத்தை ஸ்வீடன் வீரர் ஜங் மின் சியோ பெற்றனர். இந்திய வீரர் பிரணீத்6 புள்ளிகள் பெற்று 3-வது இடம் வந்தபோதிலும் டைபிரேக்கரில் ஸ்கோர் செய்யாததால் 6-வது இடம் சென்றார்.

இந்தப் போட்டியில் பிரணீத்தைத் தவிர்த்து, பிரக்ஞானந்தா, 8-வது சுற்றில் விக்டர் மிக்ஹால்வ்ஸ்கி, 6வது சுற்றில் விடாலி குகின், 4-வது சுற்றில் முகம்மதுஜோகித் சுயராவ், 2-வது சுற்றில் சிமென் முட்சோவ், முதல் சுற்றில் மத்தியாஸ் உன்னேலேண்ட் ஆகியோரை வீழ்த்தினார். 3 போட்டிகளை பிரக்ஞானந்தா டிரா செய்தார்.

சமீபகாலமாக பிரக்ஞானந்தா ஆட்டம் பிரமாதமாகஇருந்து வருகிறது. செஸ்ஸபிள் மாஸ்டர் ஆன்லைனில் சமீபத்தில் உலகச் சாம்பியன் மாக்னஸ் கார்ல்ஸனை பிரக்ஞானந்தா வீழ்த்தினார். இறுதிச்சுற்றில் சீனவீரர் டிங் லிரனிடம் வீழ்ந்தார்.
சென்னையில் அடுத்த மாதம் நடக்கும் 44-வது செஸ் ஒலிம்பியாட் போட்டியில் இந்திய பி அணியில் பிரக்ஞானந்தா விளையாட உள்ளார். 

பிரக்ஞானந்தா பயிற்சியாளர் ஆர்பி ரமேஷ் வாழ்த்துத் தெரிவித்துள்ளார். அவர் கூறுகையில் “ பிரக்ஞானந்தா சாம்பியன் பட்டம் வென்றதற்கு வாழ்த்துகள். முதல்நிலை வீரரான பிரக்ஞானந்தா பட்டம் வெல்வதில் வியப்பேதுமில்லை. பொதுவாகவே பிரக்ஞானந்தா நன்றாக விளையாடுவார், 3போட்டிகளை டிரா செய்துள்ளார். அவரின் வெற்றி மேலும் ஊக்கத்தை அளி்க்கும்” எனத் தெரிவித்தார்