மண்டல கிரிக்கெட்டில் தெற்கை தோற்கடித்தது வடக்கு…

சையது முஷ்டாக் அலி கோப்பைக்கான மண்டலங்கள் இடையிலான டி20 கிரிக்கெட் போட்டியில் வடக்கு மண்டல அணி 8 விக்கெட் வித்தியாசத்தில் தெற்கு மண்டல அணியைத் தோற்கடித்தது.

மும்பையில் ஞாயிற்றுக்கிழமை நடைபெற்ற இந்த ஆட்டத்தில் முதலில் பேட் செய்த தெற்கு மண்டல அணி 20 ஓவர்களில் 5 விக்கெட் இழப்புக்கு 173 ஒட்டங்கள் எடுத்து வெற்றி கண்டது.

அந்த அணியில் அதிகபட்சமாக ஆர்.கே.புய் 50, சங்கர் ஆட்டமிழக்காமல் 34 ஒட்டங்கள் எடுத்தனர்.

வடக்கு மண்டலம் தரப்பில் ஆசிஷ் நெஹ்ரா, டாகர் ஆகியோர் தலா 2 விக்கெட்டுகளை வீழ்த்தினர்.

பின்னர் ஆடிய வடக்கு மண்டல அணி 18.4 ஓவர்களில் 2 விக்கெட் இழப்புக்கு 176 ஓட்டங்கள் எடுத்து வெற்றி கண்டது.

அந்த அணியில் அதிகபட்சமாக கெளதம் கம்பீர் 51 பந்துகளில் 12 பவுண்டரிகளுடன் 81, ஷிகர் தவன் 38 பந்துகளில் 50 ஓட்டங்கள் எடுத்தனர்.

தெற்கு மண்டலம் தரப்பில் அரவிந்த், முருகன் அஸ்வின் ஆகியோர் தலா ஒரு விக்கெட் வீழ்த்தினர்.