சமனில் முடிந்தது கொல்கத்தா – கேரளா ஆட்டம்…

இந்தியன் சூப்பர் லீக் (ஐஎஸ்எல்) கால்பந்தாட்டப் போட்டியில் அட்லெடிகோ டி கொல்கத்தா - கேரளா பிளாஸ்டர்ஸ் எஃப்சி அணிகளுக்கு இடையேயான ஆட்டம் 1-1 என்ற கோல் கணக்கில் சமனில் முடிந்தது.

இந்த இரு அணிகளுக்கு இடையேயான ஆட்டம் கொல்கத்தாவில் செவ்வாய்க்கிழமை நடைபெற்றது. பரபரப்பாக தொடங்கிய இந்த ஆட்டத்தில், முதல் கோல் வாய்ப்பு கேரள அணிக்கு கிடைத்தது.

ஆட்டத்தின் 8-ஆவது நிமிடத்தில் சக வீரர் செட்ரிக் பாஸ் செய்த பந்தை தலையால் முட்டி கோலாக்கினார் கேரள வீரர் வினீத். அதற்கு பதிலடி தரும் வகையில் 18-ஆவது நிமிடத்தில் கொல்கத்தா அணியின் பியர்சன் கோல் அடித்தார்.

தொடர்ந்து நடைபெற்ற ஆட்டத்தில் இரு அணிகளுமே கோல் அடிக்காத காரணத்தால், ஆட்டம் 1-1 என்ற கணக்கில் சமன் ஆனது.